كان يوم ملهوش ملامح
قاعد فى اللجنة وسارح
امتحان دا ولا ايه
شكلى والله مانا فالح
اسئلة بعيد عن منهج
وقلبى من الخضة بينهج
هما بيعملوا فينا كدا ليه
والسؤال دا حله ايه
جايبلى اسئلة غريبة
اكمنى انا كلى طيبة
بصيت لورقة قريبة
يمكن يكون فيها المفيد
واعرف انقل ما اريد
واضمن انى مش هعيد
لقيت صاحبها قاعد زعلان
يلعن ويسب فى اللجان
جامعة زبالة وتعليم خربان
وانا فى البلد دى مش فرحان
.
.
.
يابلدى عملتلك ايه قوليلى
دانا كل اللى طلبتوا انك تعلمينى
لاقيت الكلابش فى ايدى وبتسجنينى
علشان اتعلم بتعذبينى
اسف يابلدى مش عاوز اتعلم