[احبكـ ربى]

اهلا وسهلا بحضرتك معانا
وان شااء الله تنبسطى فى البرنامج

إن شاء الله

وعلشان عارفين حضرتك مش بتحبى السياسة
مش حبينا نتقل عليكى اوى وجبنا ليكى اسئلة بسيطة
اتفضلى

رحاب قامت بالواجب

ولايهمك اختى الحبيبة

اولا : الفقرة السياسية :
1 - غلق قناة فراعين كان قرار مناسب ؟

طبعا كان مناسب لان للاسف بقيت أشوف في الفترة الأخيرة ناس بتقتنع بكلام عكاشة

كنت فاكرة إن كل الناس بتتفرج عشان تضحك ز يي كدا بس لقيت عكس كدا خالص

2 - دعوة النزل يوم 24 اغسطس متفق معها أم لا ؟!

مختلفة معاااهاا جدا وكل اللي نزلين دول مش عايزين البلد تتقدم خالص وإن شاء الله مش هيقدروا يعملوا حاجة

3 - أيه رأيك فى شخصية محمد ابو حامد اصلا ؟!

هههههههههــ ربنا يهديه بحس إنه عكاشة التاني

4 - ليه كل البيت اختار ابو الفتوح رئيس لمصر ؟!

إيه دا عرفتو منين ؟!
مخابرات بقى يا ياسمينا ^^

إخترنا أبو الفتوح عشان مش تبع أي حد وكان مستقل ولا تبع اي حاجة وكمان كان هيطبع شرع ربنا ودا هو اللي كنا عايزينه في أي رئيس يمسك الحكم

حقيقة احنا كمان اخترنا ابو الفتوح ^^


5 - شايفة ان الدكتور مرسى رئيس مناسب ؟!

طبعاً . . ربنا يعينه يارب ومصر تبقي أفضل
أكيد ان شاء الله تبقى افضل اختى الغالية
بس حضرتك شايفة ان د \ محمد مرسى
بيقوم حاليا بوجباته اللى عليه ؟!
وهل بالشكل ده مصر هتتقدم فعلا ؟!

6- ايه القنوات الاخرى اللى شايفة ان المفروض تتغلق برضو ؟!


أولاً قنوات الأغاني والمسلسلات والأفلام . . . بتهيألي كدا القنوات كلها هتقفل هههههه
وأي قناة فلول

ــــــــــــــــــــــــــــــــــــــــــــــ

ربنا يبارك فيكــِ اختى وبانتظار الرد على الكومنتات السريعة دى
علشان نبدأ فى الفقرة التانية بإذن الله ،،