[aleman]

المشاركة الأصلية كتبت بواسطة شروق السيوفى

هو احنا عايشين ليه وبنعمل ايه علشان الى عايشين علشانه ؟؟؟؟؟؟؟

طبعا ما خلقت الجن والانس الا ليعبدون
بس العبادة دى ليها معانى كتير العبادة دى طريق والهدف رضا الله والوصول اليه كل انسان ليه طريق مختلف فى رحلة الوصول ناس طريقها الصلاة والقيام وناس طريقها الصيام ناس طريقها العلم والعمل حاجات ياااااااااااااااما
ياريت بقا كل انسان يجاوب ننا ايه هى طريقته للوصول وايه الى بيعمله علشان يثبت على طريقة ويكبره باستمرار

موضوعك فكرته جميلة ياشروق
بصى الناس انواع
صحيح كلهم المفروض اتخلقوا عشان يعبدوا الله
لكن اشكال العبادة تختلف
ليس المعنى هنا الاقامة بالمساجد والكنائس والصلاة طوال الوقت
لا لكن ممكن الانسان يعمله هذا يعيش عشانه ويخدم اخرته
بمعنى مثلا:
انا الان فى ثانوية واهلى عاوزنى اطلع طبيب
يبقى انا احاول احقق الهدف ده قدر استطاعتى
اولا طاعة للوالدين التى هى من طاعة الله سبحانه وتعالى
ثانيا يكون هدفى انى اطلع طبيب مش عشان يقولوا مجموعه عالى ودى كلية قمة وكده
لا انا هطلع طبيب عشان اساعد الناس على الشفاء واعالجهم
بكده انتا اخدت نية العبد الصالح اللى ليه هدف دنيوى فى الظاهر دينى فى الخفاء
مثال اخر :
عاوز اطلع مهندس عشان ابنى حاجات للناس تحميهم من المبانى اللى بنشوفها بتقع دى وهخلص فى عملى
مثال اخر:
مجموعى جاب تربية يبقى هدخل الكلية بنية انى اطلع مدرس او مدرسة اعلم الاخرين واخد ثواب فيهم

وهكذا لو كل واحد نظر لعمله من منظور اخلاقى دينى يهدف منه رضا الله دى عبادة
حتى الميكانيكى يضع امامه هدف انى بصلح سيارات الناس
اه عشان الفلوس بس كمان عشان افيد غيرى وانفعهم

لذا كل واحد لم يتحقق حلمه فى دخول كلية ما لاتحزن وانما حقق احلامك فى ماكتبه الله لك

نية الانسان تفرق كتير اوى يا شروق
مشكورة للموضوع الحلو ده وللسؤال المميز ده