السلام عليكم ورحمة الله
جزاكم الله خيراً على هذا الموضوع الطيب..
هو لو الواحد مش بيعرف يقعد ع الكتاب اكتر من نص ساعة ...آخره خالص نص ساعة بالكتير...يعمل ايه؟؟؟!!
لأنى بزهق جدا من الكتاب المدرسى وبجيب كتب تانية واقرأ فيها ... وطبعا ده عامل مشكلة فى البيت .... بس انا لما بمسك الكتاب يدوبك عشر دقايق بحس انى خلصت كل حاجة واسيبه واقوم ... والله من كلام البيت بقيت اقعد امسك الكتاب وخلاص ....
أنا مشكلتى كبيرة يعنى انا ممكن اشوف معلومة فى الكتاب اقعد اسبوع ادرو على اصلها
واسيب المنهج واشغل نفسى بحاجات تانية الناس بتقول عليها تافهة
والله انا عمرى مفكرت انى اغير من الطريقة دى بس من كتر الكلام
عن الثانوية انا مكنتش بهتم بس مش عارفة الهام من ربنا كدة انى اغير الطريقة
فقررت انى اكثف من المذاكرة واخليها ساعة فى اليوم.... بس ممكن حد يساعدنى اعمل ايه؟؟؟
بارك الله فيكم