[aleman]

المشاركة الأصلية كتبت بواسطة mrmohamed110

احبابى اود ان يكون هذا الموضوع لنتبادل الافكار والطرق التى تجعل الحصة ممتعة للطلاب وايضا كيفية التعامل مع الطلاب فى الدول العربية مثل الكويت والسعودية

موضوع متميز وجديد اخى الفاضل:
بالنسبة لطريقة التعامل مع الطلاب بالدول العربية الاخرى طبعا لن يفيدنا فيها الا من سافر بالفعل وتعامل معهم لنكتسب منه خبرات
مع ان الافكار التالية تنفع معهم بردك وبتاثير اكبر
اما عن ان الحصة تكون ممتعة للطلاب فده بيختلف من مدرس للاخر
فمثلا اهم شئ المعلم ان يتعرف على تلاميذه
بمعنى انا اول حصة لى لو هدى فصل لا اعرفه من قبل
من الاول كده اعرف نفسى على الطلبة انا ميس فلانة وهديكم رياضيات وانتم بقى عرفونى على نفسكم
وابدأ بكل تلميذ وتلميذة وطبعا من اول يوم لن احفظهم كلهم لكن بحفظ 4 اسماء فقط فى ساعتها بمواقع الطلبة
عشان وسط اول حصة ابقى اناديهم باسمائهم مما يوحى للطالب انى حفظت اسمه (كل واحد داخليا هيشعر انى كمعلمة حفظت اسمه) وده عامل نفسى كبير
بعد كده افهمهم ما لى عندهم (من احترام وتفوق دراسى) ومالهم عندى من (درجات ومكافات)
واوضح ان الضرب ده بيبقى للحيوانات فقط لذا يوم ما ميس فلانة هتضرب اعرفوا ان اللى اضرب ده حيوان
رغم ان ممكن يكون بيضرب من مدرسين تانين بس ده له انطباع نفسى خاص جدا
اقولهم جدولى ووقت فراغى وما اطلبه من كراسات وتجليد (طبعا ده كلام موجه للمرحلة الابتدائية)
بعد كده بقى خلاص الباقى بيبقى سهل جدا
الحصة نفسها بتبقى ممتعة فى الشرح والتعاون بينهم وبينى
مشكور اخى الفاضل للموضوع