مشاكل مصر كلها مركبة ,,
انا كنت عامل موضوع من فترة عن التحرش هنا فى القسم ,, وحاولت اعرف من المتحرش هذا ؟ من هذا الكائن
ومتهيالى انى عرفت انواع . المتحرش 4 انواع
1- مبسوط انه بيعمل كده وحاسس برجولته بكده ..
2- شايف بنت لابسة لبس مش كويس وهوه حاسس انها تستاهل كده ..
3-مريض نفسى او كبت بسبب تاخر الزواج او العنوسة وممكن تجد متحرشات فى هذا الصنف ..
4- او بياخد مؤثر بيغيبه عن الوعى ومش شايف ولا حاسس .وده غالبا بيعاكس اى حد ..منقبة او غيرها زيى اللى فى الصورة بالظبط ولو اخوه عدى عليه ممكن يعاكسه ..
.....
وفى الحقيقة هى مشاكل اللبس وكده هى سطحية الى حد ما ..لكنها بتساعد طبعا على ان تقلل من هذا الامر ,, يعنى المنقبة مش زى اللى لابسه استرتش وبادى ومتعاقدة مع بويات المقاولين العرب
والكلام ده كله ..
,,فى الحقيقة ان المشكلة ثقافية .. بسبب التفكير السلبى للكائن اللى اسمه "انثى" ..
واجتماعية بسبب تاخر الزواج ومشاكل البطالة وازمة السكن وووووو " الخ ..
كل ده دفع بعض الشباب انه ينسى المشاكل ده ومش يواجهها ..فاتجه الى المخدرات وبقى يعمل اى شىء وهو مغيب ومش فى وعيه فبقى زى رقم 4 .. وممكن يعمل اسوء من فكرة التحرش ..
والبطالة دفعت الشباب انهم يقعدوا ف الشوارع والمقاهى ويبصوا "للى رايحة واللى جاية " فبقى يحدد مين يعجبه ومين مش يعجبه وهو قاعد مكانه .. فبقى رقم 2 و 3.. وحاليا ده بتبقى مرحلة قبل الدخول فى مرحلة محاولة النسيان لكل شىء وتخدير النفس ..
مشكلة ثقافة ونقص دين وجهل دفع رقم 1 انه يفكر ان ده رجولة .. ويفكر ان شرب السجائر برضه رجولة والمشى مع البنات رجولة و المخدرات رجولة .. وعشان تبقى راجل لازم تعمل كل حاجة غلط
ولو بقيت محترم وكويس
ومش بتعمل كده يبقى انت شاذ وفاهم الرجولة غلط ,, الله يرحمك يارجولة
..
بالاضافة للبنات والنساء المتبرجات عامة ..
يعنى مشاكلنا داخلة فى بعضها ولو اتحل شىء بيساعد على حلول مشاكل كتير ,,
ربنا يحفظ مصر من كل سوء .. جزاكم الله خيرا اخ اسامة
