[Eng.Mo'men]

انا طالب فى حاسبات ومعلومات الزقازيق الفرقة التانية ( مش خريج بس حابب اساعد ) , بص يا سيدي حاسبات ومعلومات دي برة مصر قسم هندسي جوة مصر كلية منفصلة , اقسامها كتير وكلهم كويسين وشغلهم كويس , على حسب كلامك وميولك لحب البرمجة والرياضيات يبقا تخش حاسبات , الشغل هتبرمج اي حاجة ممكن يجيبولك انسان آلى فى الشركة تبرمجه او نظام طيارة تبرمجه على حسب كفاءتك او اي سيستم او ممكن تشتغل مهندس شبكات ومدير it , مهندس البرمجيات مرتبه اعلى بكتير من المهندسين التانيين لسبب بسيط ان شركة ميكروسوفت حالياً اغنى شركة فى العالم وصاحبها اغنى رجل فى العالم من البرمجيات , تخيل انت هتبقا مهندس البرمجيات دي , بالنسبة للكورسات طول حياتك فدي مش مشكلة لأنك هتذاكر كل مدة تحديث للمعلومات اللى عندك يعني مثلا مهندس الشبكات كان شغال على ويندوز سيرفر 2008 ودلوقتي نزل 2012 فلازم يذاكر الويندوز سيرفر 2012 يعني تحديث بس , فرص القبول كويسة جداً وهتزيد بإنشاء النقابة ان شاء الله , اختار حاسبات لأنها الاستقرار وعلو المرتب , والله انا اعرف واحد خريج هندسة شغال دليفري بيقولي انا مش هشتغل فى مكتب هندسي ب600 جنيه ف الشهر وال1000 جنيه اللى باخدهم احسن يا عم من الكلام الفاضي دا , الاوضاع هتتحسن مافيش كلام ان شاء الله ومن فضلك ماتقولش على الثورة فاشلة , رأي عائلتك اكييد هندسة لأنهم لا يعلموا الا هي ( اللى نعرفه احسن من اللى ما نعرفوش ) , ربنا يوفقك واتوكل على الله وادخل حاسبات ومعلومات لأنها احسن من هندسة فى كل حاجة مش محتاجة كلام , بس لو حابب الاسم والفشخرة ادخل هندسة