اقتباس:
المشاركة الأصلية كتبت بواسطة خالد احمد زكريا
السلام عليكم
سوف أطرح عليكم فى هذا التوبيك مجموعه من الأسئله تحت عنوان " إيه شعورك "
وسوف تكون إجابتك عليها تحت بند " أشعر بـ ......... "
والأسئله هى ..... إيه شعورك عندما ...
السلام عليكم و رحمة الله و بركاته
_ تحس إنك بتحب بس حب من طرف واحد
يعني هو احساس بس؟ و لا وقعت بجد؟ .. ف فترة اعدادي كانت ليا صاحبة او زميلة بحبها جدا كان ناقص اكتب فيها شعر بس للاسف مش حاسة بيا .. احساس وحش جدا طبعا و مش بعيد يبكيك .. اما لو كان احب واحد و كدا و كنت شايفة فيه الصلاح و الخير ادعي ربنا يديهوني .. و هزعل شوية لو اتجوز غيري بعدين اعقل و اعيش ع ان دا الخير ليا
_ تشاهد موقف يستدعى منك التدخل فيه ولكنك لا تستطيع
هحتقر نفسي جدا و هلومها كتير و هفضل حزيينة كتير.. بس ليه مش هستطيع؟ انا بتكلم ع طول و خصوصا ف مواقف ف البيت و ااخد بالقلم ع وشي بجد و الله او كلام يجرحني كالعادة
_ ترى أمامك الحقيقه واضحه بينه لكنك مضطر إلى قول غير الحقيقه لإنقاذ نفسك
الحمد لله لحد دلوقتي بقول الحقيقة و بتورط .. ضميري مش هيسيبني ليل و لا نهار لحد ما اقول الحقيقة.. هحس ربنا مش راضي عني و الحياة هتبقا سودة و اعوذ بالله من سواد الحياة
_ تشاهد موقف معاكسه ل بنت تعرفها
مش عارفة .. يعني انا كبنت هعمل ايه؟
_ ترى فى عيون من حولك نظره إحتقار
كتير بشوفها و بفوض امري لله .. و بقول ربي اجعلني خيرا مما يظنون و احسن ظنهم بي
_ تضطهد من والديك لضيق أفقهم وعدم تناسبه مع تفكيرك المتفتح
مش بعمل حاجة غير اني ادعيلهم " القلوب بيقلبها ربنا بين اصبعيه كيف يشاء" و ربنا يقدر يغيرلي تفكيرهم و الله المستعان
_ تجد إنسان يلبى لك كل مطالبك
هحسه خدام عندي .. و انا محبش حد يخدمني .. هيربي جوايا الكسل و التواكل و بطبعي مش هبقا مرتاحة و مفيش حد كدا
_ تشعر بأنك لا قيمه لوجودك فى حياه شخص ما
حستها كتييييييير " بس احساسي كان غلط" .. لو كان الشخص يستاهل اني ازعل عليه هزعل و هدعي ربنا يبعد عني الموضوع دا و يبعدني عنه لو كان شر ليا و العكس
بعد أن تتم إجاباتك نطرح عليك سؤالا آخر
إيه شعورك عندما جاوبت هذه الأسئله |
الحمد لله ارتحت شوية .. لكن كلها احاسيس وحشة و مش مريحة تماما .. شكرا ع الموضوع الجميل دا
__________________
(وَسَارِعُواْ إِلَى مَغْفِرَةٍ مِّن رَّبِّكُمْ وَجَنَّةٍ عَرْضُهَا السَّمَاوَاتُ وَالأَرْضُ أُعِدَّتْ لِلْمُتَّقِينَ)
صبراً يا نفسي , معنا الله..صبراً يا نفسي فطريقي من نيران
:: إلا الحبيب .. يا عُبَّـاد الصليب ::
|