[aleman]

المشاركة الأصلية كتبت بواسطة Logine L

السلام عليكم و رحمة الله و بركاته

انا حلمت بالحلم ده >>

المفروض انه انا كنت هتجوز ,, بس مش الجواز بتاعنا ده ,, لا جواز غريب شوية

الولد كان من تايلاند حاجة كدة

هو جه اتقدم و بتاع

و ماما و خالو قابلوه

و قالولي انه خلاص وافقوا و انه هيبقي جوزي

ف الحلم انا مكانش فارق معايا حاجة

بس المفروض بقي ان من ضمن الجواز ف الحلم ده ,, انه احنا نعمل اللي بيتعمل ليلة الدخلة ف الحمام

بعدين ماما قالتلي البسي ,, و انا لبست لبس وحش مش حلو

يعني حاجتين علي بعض ,, واحدة منهم انا بنام بيها ,, مش لبس جواز يعني

بعدين هو اتأخر كتييييييير كتير

يعني دي ممكن تبقي اطول حاجة ف الحلم

مش عارفة ازاي المفروض انه ف الدور اللي تحت و طالعلي ,, و هي كلها شقة واحدة عندنا بسلم من جوة

بس انا حتي ف الحلم زهقت ,, و كانت معايا ست غريبة كدة عجوزة شوية ,, معرفهاش ,, كل ما اقولها زهقت تقولي معلش زمانه جاي

بس ف الاخر جه ,, و دخلنا الحمام ,, اعد اتكلم معايا شوية

كنت مضايقة منه اوي ,, قصير كدة و انا بكره الولد يبقي اقصر مني ,, و كان لابس لبس غريب كمان

بيتكلم عربي مكسر شوية و بعدين اتكلم عدل

بعدين بقي سألني حاجة معناها هتفضلي لابسة كدة ,, ف قلت لأ ,, بس فجأة مش عارفة ايه حصل و لقيتني قعدت علي حرف البانيو و حاطة ايدي علي رأسي كأني دايخة و بعدين قعدت اعيط

و كنت عمالة افكر ايه اللي انا هتجوزه ده ,, كنت طول عمري نفسي اتجوز ولد مصري و يبقي اطول مني ,, مش البني آدم الغريب ده

قعد يقولي مالك بتعيطي ليه ,, و انا مش رديت و قعدت اعيط باردو ,, بعدها قالي خلاص مش تزعلي تعالي و راح اخدني و طلعنا برة

لقيت ماما ف الاوضة بتاعت الولاد ,, دي جنب الحمام

كانت موجودة هي و خالو احمد

قالولي مالك ,, قلت مش قادرة ,, مش فاكرة قالوا ايه بقي

ماما سألتني سؤال مش مهم ايه هو ,, قلتلها لأ مقربليش

سألتني سؤال تاني ,, قلتلها لأ بقولك مقربليش

مش فاكرة قالتلي ايه بعدها ,, بس هو الولد نزل الدور اللي تحت ,, و فاكرة اتكلمنا انا و هو و ماما ف حاجات عادية كدة و كان ماسك جزمة ف ايده بيتكلم عليها انها غالية تقريبا حاجة كدة

كنت اول مرة اشوفها ,, و المفروض انها بتاعتنا يعني

كمان ماما كانت مش لابسة حلو ,, لا هي و لا خالو

لا يليق بجواز يعني

بس كدة ,, ف الحلم انا كل اللي كن بفكر فيه ولد مصري و بتاع ,, بعدين افتكرت شخص معين كدة ,, و صحيت

مش فاكرة افتكرت الشخص ده اما صحيت و لا قبل ما اصحي


ان شاء الله الاقي التفسير عندك يا ايمان

التفسير العلمى:
الحذاء
هو في المنام رجل يلي أمور النساء ويزينها ويهيئها، وذلك أن الحذاء يعالج النعال، والنعال في الرؤيا هي النساء، وقيل هو دلال الجواري.
رؤيا الحمامات
من رأى حماماً دل على الهم والغم والغسل فيه فرح وسرور، فإن كان الماء معتدلاً فهو جيد، وإن كان حاراً جداً فضد ذلك.
وبالمجمل فإن رؤيا الحمام تؤول على ستة أوجه: إمرأة وغم ودين وتعطيل وتصديق وقرض، وربما دلت رؤيا الحمام على المرأة القيمة أو كبير الدار.
ومن رأى: أنه دخل الحمام فإنه يصيب هماً وغماً وغيظاً بقدر حره وعاقبته إلى خير ما لم يغتسل بماء سخن فإنه يكثر همه وحزنه، وربما يكون من قبل النساء، وإن كان الماء بارداً دل على نجاته من كل سوء، وربما دل دخول الحمام على دخول سجن أو شر أو مرض وعلى قدر حره يكون ذلك.
ومن رأى: أنه ينتقل في الحمام من مكان إلى مكان آخر فإنه ينتقل من حال إلى حال، وقيل التجرد في الحمام هم من قبل النسوة.
ومن رأى: أنه دخل على نسوة في حمام فإنه يرتكب حراماً.
وأما الحمام فإنه بيت السلطان فمن دخله وهو مغموم فرج الله همه.
والحمام دال على دراً العلم والرباط والجامع والسوق، ويدل على التوبة للفاسق، والهدى للضال، والغنى للفقير، والشفاء للمريض، وإن كان الرائي أعزب تزوج، وإن كان فقيراً استغنى، وإن اغتسل بالماء على ثيابه ابتلي بحسن زانية وأفسد معها دينه وارتكبه الدين بسببها.
وربما دل الحمام على الكنيسة لأنه مظان الجان والشيطان. وربما دل الحمام للأعزب على الزوجة، ومن اتخذ الحمام مسكنه فإنه مصر على الذنوب، ومن دخل حماماً واغتسل وخرج منه خرج من هم إمرأة أو دين، والحمام المظلم سجن، وخزانة الحمام إمرأة لا خير فيها.
تفسيرى المتواضع والله اعلم:
هذه اضغاث احلام ناتجة من العقل الباطن
قد تكونين مررت بعلاقة عاطفية وانقطعت لاى سبب كان فجاء الحلم ده من عقلك الباطن يرفض الارتباط بأى شخص اخر فصورك الشخص ده فى الحلم من بلد اخرى وغير مصرى واقصر منك (عقلك الباطن قبحه بالحلم)

فكرة دخول الحمام ودوختك فيه زيادة فى قبح المنظر صورها لكى عقلك الباطن
ولبسك اللى مش كويس وماما كذلك قبح من عقلك الباطن واستنكار لما يحدث
قد تكونين بالحقيقة تحبى دراسة اللغات الاخرى وتسمعين كلام الاكبر منك فى العادة
والله اعلم