بص حضرتك انا داخلة اولى كلية والحمد لله جبت 25 وده بيعتمد على توفيق ربنا .على اساس انت عملت ايه طول السنة .الفكرة مش انك تحل كتب كتير المهم اللى تحله فى الشهور الاولى تفضل فاكره لحد المراجعة .لان فى اخر السنة ساعة ماتبدا المراجعة لو انت فعلا مش منظم مراجعة دورية بتكتشف انك مش فاكر حاجات كتير من اللى انت حلتها فى اول السنة.فلازم ضرورى تركز على النقطة دى .وتقريبا كل الملخصات بتنقل من بعضها وكلهم صدقنى بينتقلوا من كتاب المدرسة بالحرف.وخصوصا فى الردنج وموضوعات الليسننحج لازم تركز عليهم جدا هم اصلا اللى بيجى منهم الامتحان وتحاول على قد ماتقدر نتجمع كلمات جديدة .واحنا عندنا فى الدرس كان الاستاذمعودنا ف الدرس كل اسبوع نكتب براجراف.احنا كنا بنحل من كتاب surprise فى الدرس والمراجعة كانت منthe best وانا من اول السنة جايبة كتاب سنيور وكنت كل اما ناخد امتحان فى الدرس اراجع على كتاب سنيور بالاسئلة كلها فى الاول هتلاقى الحكاية متعبة بس بعد كده هتلاقيها سهلة جدا .وفى شهر 6 انا وانا بقفل مراجعة الانجليزى لان زى ماانت عارف الامتحان قبله يوم لازم تكون مقفلها راجعت كتاب سربرايس والحمد لله الامتحان مخرجش عن كتاب المدرسة فيما عدا القطع الى تعتمد على الفهم .فانت محتاج تركز جدا على كتب المدرسة فى كل المواد مش لانجليزى بس
|