الاحباط = 100 %
انا دخلت الكلية النهاردة ، لقيتها عبارة عن مدرسة اعدادى !! دا حتى فيها مبنى عامل زى مبنى المجال الصناعى اللى كان ف مدرستى ، ولقيت فراش ماشى بالفلانة البيضة ام حملات جوا الكلية عادى كدا ، وبسأله ايه المبنى دا هو دا اللى هناخد فيه محاضرات دا بتاع مجال يا عم ، قالى لاء دا فيه نشاط رياضى عشان لو عاوز تلعب بينج !! بينج ! بينج يا منى ؟!!!
وانا اللى مجموعى جاب كلية اثار وسيبتها عشان خاطر ادخل سياحة وفنادق وف الاخر بينج !
انا جالى احباط بطريقة غبية قلت مين اللى هيرضى يشغل عنده واحد خريج كلية بالمنظر دا ! دى المعاهد انضف منها بمليون مرة ، كمان لو دخلت قسم ارشاد اكيد هيفضلوا يشغلوا المرشد اللى متخرج من حلوان وكان بيدفع 3500 ، بدل ما يشغلوا اللى كان بيدفع 300 جنيه ومتخرج من كلية زيها زى مدرسة اعدادى
انا دلوقت بفكر احول تجارة زيي زي معظم الشعب رغم اني لا حببها ولا حابب مجالها ولا هفلح فيها وهسقط انا عارف بس ع الاقل اسمها كلية وشكلها شكل كلية محترمة ونضيف مش مدرسة !
اى حد مهتم ؟ O.o
|