ده مجرد رأى وانت ممكن تنظمه بالشكل الى تحبه
هو طالما انت علمى رياضة يبقى اساسى عندك كل يوم رياضة وفيزياء تحل كتير وتراجع والمواد التانية الى هى العربى والانجليزى تبدل فيهم كل يوم مرة عربى وتانى يوم انجليزى وهكذا ولو يوم فاضى زى الجمعة ممكن تشوف الى مش مذاكره وتخلصه او فى حاجة محتاجة تلخيص او مراجعة ولو مخلص حاول برده فى الانجليزى اساسى 10 كلمات كل يوم ولو تقدر معاهم لو فى وقت شوية جرامر وممكن فى يوم الجمعة الفاضى من الدروس انك تكتب موضوع تعبير او برجراف بالتبادل كل اسبوع وتخلى المستر يشوفه علشان تبقى مدرب وكاتب كتير يعنى خلى الجمعة دايما للمراجعة او تحضر حاجة لدرس العربى وحاول انت تحط جدول بالساعات يعنى شوف كل مادة بتاخد منك قد ايه بس اساسى رياضة وفيزياء كل يوم و10 كلمات انجليزى وتكتب مواضيع كل اسبوع للتدريب وممكن تخصص برده ساعتين فى اليوم الفاضى للترفيه من المذاكرة على النت او النوم مثلا بس بلاش تليفزيون لانك ممكن تتعلق بحاجة وهتبقى عايز تتابعها وربنا معاك ويوفقك ان شاء الله
