[احمد رمضان عبد الباقي]

المشاركة الأصلية كتبت بواسطة test_tube

السلام عليكم ورحمه الله وبركاته
اولا يا جماعه انا نفسي اعرف هو احنا بنعرف المسابقات والحاجات دي بتنزل منين؟؟؟ ونعرف ازاي انها حكوميه او مكان خاص؟؟ انا بشوف اعلانات في الجرايد اوكي لكن بشوف في اوقات ناس بتكلم عن حاجات مش نزلت في الجرايد ولا حاجه فبتتعرف منين؟؟

ثانيا: انا مدرسة سينس وهما طالبين كيميا وفيزيا
معني كده انهم عاوزين مدرسين ثانوي صح؟؟
ومنين اعرف انهم عاوزين مدرسين علوم بالعربي ولا بالانجلش؟؟؟

ثالثا انا سامعه كلمه اعارة وان في غير الاعاره
اصلا هو في ايه سفر غير اعارة وايه الفرق بينها وبين اي سفر

معلش اسألتي تبان ساذجه
بس انا مليش احتكاك اوي بقصه السفر دي

يا ريت تفيدوني
لاني كل ما بكتب حاجه على المنتدي هنا ولا حد بيرد ولا بيبين اي شئ

اختي الكريمة اولا كل سنه وانتي طيبه
المسابقات الحكومية بتنزل في الجرايد الرسمية ( الاخبار والاهرام والجمهورية ) وبيتكتب فيها انها حكومية وبتنزل كمان علي موقع وزارة التربية والتعليم بتاعت البلد الي منزله الاعلان
بخصوص التخصصات بتبقي واضحه في الاعلان يعني سفاره عمان طالبه مدرسين علوم تخصص فيزياء وكيمياء بس مش مدرسين علوم اعدادي
الفرق بقي بين الاعاره والعقد الحكومي
الاعاره بتبقي لناس محدده بترشحهم الوزاره وبتبقي مده الاعاره اربع سنوات غير قابله للتجديد
اما العقد الحكومي وده الافضل طبعا بيبقي سنه قابله للتجديد يعني لو عايزه تجددي وتقعدي هناك علطول بتجددي
اما بخصوص ان محدش بيرد ع اي استفساراتك انا شايف ان الناس كلها هنا محترمه جدا وبترد علي اي حاجه تعرفها وربنا يوفقك