اقتباس:
المشاركة الأصلية كتبت بواسطة M.Nasser El-mogui
مش بقولك انت دائماً متهور وعصبى
ياعم محمد
لسه فيه حد بيشوف الكتب دى
احنا فى عصر الكمبيوتر والتكنولوجيا
وعلى العموم خش الموقع ده وشوف الحل (يا ميدو)
www.leconjugueur.com
اكتب الفعل اللى عاوز تصرفه يا ميدو واضغط كليك وبعدين هيظر التصريف وبعد كدة تختار من القائمة التى فى اعلى الصفة على اليمين (صيغة المبنى للمجهول ) هنا سيظهر لك تصريف الفعل فى جميع الأزمنه بس فى المبنى للمجهول . وسلملى على مصادرك. هههههههه |
يا عم ناصر
أنا هديلك دليل من الموقع اللى انت جايبه علشان مايبقاش ليك حجة
وانا هقولك المعلومة دى والله نصيحة لله رغم ان انا كنت تقريبا فكرت ما اردش
بس طالما انت بتقول ان نيتك كويسه انا هعمل بالكلام ده وهقولك الدليل على ان الحل غلط
ومن الموقع اللى انت جايبه
الدليل
من نفس الموقع اللى انت جايبه انا عايزك تكتب فعل مثلا
téléphoner
كلنا نعلم تماما أن الفعل ده ما بيتبناش للمجهول وطبعا لو سألنا
فيها طفل هيقول ان الفعل ما بيتبناش للمجهول صح
ادخل على الفعل ده هتلاقى له تصريف فى زمن المجهول
ودا غير صحيح عمليا ماشى
واحد يقولى بقه يعنى الموقع غلط؟ هرد واقول الموقع ده الكترونى يعنى من الاخر اللى كتب الفعل كتب صيغة الفعل البنائية بمعنى ان الفعل ده والافعال اللى زية من نفس المجموعة بتتبع نفس الطريقة لكن عمليا الكلام ده مش صحيح
ما تنسوش الموقع ده الكترونى
اما بالنسبة للكتب اللى انت بتقول عليها فدى قواميس مش كتب
الحاجة التانية وهى دليل برده انت لما بتيجى تشوف نطق كلمة مكتوبة فى قاموس (علم الصرتيات) وتيجى تسمعها فى قاموس ناطق وطبعا القاموس الناطق بيبقى آلى يعنى مبرمج لنطق الحروف فقط انما الكلمات الشاذة بيبقى نطقها غلط
انا عايز اقول ان المراجع الالكترونية مواقع مبرمجة على طريقة معينه فى التصريف لكنها مش بتاخد فى الاعتبار ان الفعل ده ينفع يتبنى او لأ
لأن مافيش واحد بيقعد يقول للموقع والنبى بلاش الفعل ده أصله مابيتبناش للمجهول
اللهم إنى قد بلغت اللهم فاشهد وماعدشى عندى اى استعداد للنقاش خصوصا ان القاعدة ثابتة وواضحة ومعروفة
لو فى حد يقدر يثبتلى ان فعل téléphoner à بيتبنى للمجهول ساعتها ممكن اتناقش معاه
انما غير كده انا ما عنديش وقت اضيعه فى موضوع منتهى اصلا
والسلام عليكم ورحمة الله وبركاته