[أ/رضا عطيه]

شر البلية مايضحك

المشاركة الأصلية كتبت بواسطة fathi mahmoud

عاوز قرض أشتري به توك توك
بلا تدريس بلا نيلة

وأنا عايز قرض أحوله وأروح أعيش فى موزمبيق

المهم يدفعوا لنا ثمن الهجرة من البلد ونسيبها لهم مخضرة

يأخونوها يهببوها بلدهم وهما أحرار فيها

مدام لسه مدير البنك ومهندسى البترول والكهرباء والاتصالات مرتبهم بالملايين والعامل فى هذه المؤسسات مرتبة يعادل مرتب فريق كرة من المعلمين

يبدو أن والدى رحمة الله عليه دعا عليّ فى ليلة القدر

وقال روح إلهى يكدّروك بكادر فضيحة

يحسدوك الناس عليه وانت فى الحقيقة تستحق الشفقة

وينصفوا الناس كلها وييجوا عندك وتتلخبط السيناريوهات ويتلخبط اقتصاد البلد

بس ياترى والدى وهو بيدعى

دعا عليّ لوحدى ولاعلى مليون ونصف معلم كمان

كدا وزير المالية ووزير التعليم والنقيب الحلوانى هيلاقوا مخر ج من خداعهم للمعلمين

وهيشيِّلوها لدعوة والدى

الحمد لله - إنه رحل عن عالمنا

يشوفوا مخرج أخر

ماهى مخارج أعذارهم لاتنتهى طالما حولهم جيش من المهللين والمطبلاتية

وكأننا لازالنا فى زمن نظيف وكادره اللى مش نظيف خالص

حسبنا الله ونعم الوكيل