[To Be Is To Do]

اليوم الثامن ( أنا والعسل : سامح و أحمد )
لم أكن فى يوم لأتخيل أن تتحول صداقه نت وفيس إلى صداقه موبايل ومنها إلى مقابلات face to face المهم لقيت واحد صاحبى من الشرقيه بيقولى " خالد ، أنا جاى إسكندريه كمان يومين " طبعا هو من صحابى إللى على المنتدى هنا وإللى بالطبع جيبته معايا على الفيس ، طبعا أنا مصدقتش إنى ممكن أقابله بس ربنا سبحانه وتعالى لما لاقانا بنحب بعض فى الله دون أى مصلحه خلانا نتقابل ونعرف بعض أكتر
المهم والأحلى من كده إن صاحبنا وحبيبنا the king 2012 إتفقت معاه برده إننا نتقابل فى يوم ويشاء المولى عز وجل إننا نتقابل إحنا التلاته _ أنا وأحمد وسامح _ فى يوم واحد كان موقف جامد جدا إن إحنا التلاته نتقابل ولا أى حد فينا يعرف التانى غير مجرد كلام على الفيس وعلى الموبايل وبس
المهم نزلنا اليوم ده وإتقابلنا وحسيت إنى بجد فرحان فرحه غريبه من ناحيه : إنى قابلت ناس كنت فى يوم حموت وأتعرف عليهم وأقابلهم ، ومن ناحيه أخرى : إنى أثبت لنفسى إن ممكن صداقه فيس ونت تتحول لصداقه حقيقيه محترمه
المهم قعدنا مع بعض قعده جميله جدا على البحر كده عندنا فى إسكندريه وحسيت بجد إنى نجت فى إنى أجعل من مجرد شخصين كل إرتباطنا أن نتكلم على الموبايل وأن نبادل بعضنا البعض بكومنتات ولايكات وبس إلى أصحاب بجد بنحب بعض لله فى الله دون أن نكون قد عرفنا بعض معرفه قديمه أو طويله
وبجد كان يوم روعه فعلا وكان من أسعد أيام 2012 بالنسبه لى بجد
وبتمنى من الله إن الصداقه دى تدوم وكما إن ربنا جمعنا فى الخير أن لا يفرقنا إلا على الخير
وإلى اللقاء فى يوم آخر ، إنتظرونا ....

( 8 )