و عليكم السلام و رحمة الله و بركاته
أنا حاسة بكلامك دة جداً لإني كنت زيك في سنة تانية
بس عايزة أقولك حاجة
إن ربنا مش بيسيب الظلم كدة لا لازم بيجيبلك حقك و بزيادة
و أكيد دة حصل لحكمة من ربنا محدش يعرفها بس بعد كدة هتقولي الحمد لله على النقص دة
انتي اللي تعمليه إنك السنة دي تتعبي بجد و تعملي اللي عليكي و صدقيني ربنا هيعوضك بأكتر من اللي كنتي تتوقعيه لإن ربنا كريم أوي و لو أخر عليكي حقك شوية يبقى علشان هيرجعهولك بشكل أكبر بكتييير يمكن مثلاً الامتحانات تيجي صعبة و ربنا يوفقك انتي عن غيرك لإن ليكي حق و يمكن النقص دة يكون حافز ليكي علشان تتعبي أكتر و أكتر يمكن لو كنتي جبتي 98.3% كنتي هتعتمدي شوية على المجموع دة و متذاكريش جامد أوي في كل الأحوال دة الخير أكيد و اعرفي " إن مع العسر يسراً "
و إن شاء الله السنة دي تجيبي 100% و مفيش حاجة مستحيل انتي بس اعملي اللي عليكي و ادعي ربنا و ثقي بالإجابة و بإن ربنا هيرجعلك حقك بزيادة
|