بص الناس دلوقتى عشان تدارى ضعفها وتبين انها جدعة وصاحبة واجب تدور ع اضعف حلقة
بمعنى انها تفرض شخصيتها ع الاضعف منهم
وللاسف بما انك طيب وابن خالتك عايز يفرض شخصيته فاسهل طريقة انه يبدا يتريق عليك ويضحك الناس عليك عشان الناس تحبه
وبما انك طيب مش ح تتكلم
فدلوقتى امسك العصاية من النص
ابن خالتك بيتريق عليك ويهينك و بيقول اسرارك وقفه عند حده بمعنى انك لو واقفين مجموعة مع بعض وبدا يتكلم احرجه قدام اصحابه وبين له ان كلامه مش عاجبك ولو طلبت معاك امشى وسيبهم وما تردش عليه لو كلمك وكون صداقات تانية مع ناس ياما عشان تاخد خبرة ف الامور الاجتماعية دى
و ع فكرة انت كده برده لسه طيب لانك ما ضربتوش او ما عاملتهوش بالمثل
مرة ف مرة هو ح يفهم
ومن ناحية تانية هو برده ابن خالتك يعنى تعامله كويس مادام ما عملش حاجة كبيرة اوى
هو بقى كده و ف ناس مش عايزة غير انها تتحرج عشان تعرف قيمتها
نصيحة نشف نفسك لانك ياما ح تشوف وابن خالتك هو مجرد البداية!!!!!!!!!!!!!
ومعلش ع الاطالة
|