[sammos]

المشاركة الأصلية كتبت بواسطة soaad-532

الحملة على أمن واستقرار مصر شرسة وليس على التعليم فقط هناك من يتبع النظام البائد يشعل فتيل الحرب فى كل مكان فى مصر بالكذب والتضليل وللأسف نجد المتعلمون ينساقون دون أى تفكير ويصدفونهم بل ويدمرون معهم مصر وسيندمون عندما تظهر الحقائق
مصر كانت تحتضر لولا ستر ربنا انه ارسل اليها من ينهض بها وينقذها
البورصة ترتفع -قناة السويس اموالها تزيد كل شىء مكسورفى مصر فى طريقه للاصلاح
حتى المعلم الذى لا يصدق النقيب سيتساوى بدكتور الجامعة
ارحموا مصر وبشروا ولا تنفروا
ولا تنساقوا يا معلمين وراء من يريد تمزيق مصر
انهم يتساقطون أمامكم كالذباب المسموم
وستنهض مصر بمؤمنيها وبدعائهم

امن واستقرار مصر مرة واحده دى تهمة عقوبتها الاعدام لو على كده خلاص اعدموهم علشان واحد مرتبه 700 جنيه بعد 8 سنين شغل وبيطالب يعيش زى بقيت خلق الله بتقلوله امن واستقرار مصر
السنة اللى فاتت سكتنا وقولنا البلد مش مستقرة وكل الناس اتضهرت بريد وبنوك وضرائب واتصالات حتى البترول وزادوا واحنا صبرنا وطلعت الموازنه واخدنا صابونه طلعنا وطالبنا بالعدل اللى الحزب الحاكم مسمى نفسه بيه قالوا ياجماعه الموازنه اتعملت خلاص ومافيش فلوس ليكم ووزعنها خلاص وادوانا من 50 الى 150 جنيه يسكتونا بيهم
وعدت سنة واتعملت موزانه جديده وجه رئيس للدولة ونقابه جديده وبرضه الموازنه اتعملت واخدنا نفس الصابونة ولما نيجى نطالب بحقنا تطلعونا بنهدد امن مصر
عارف ايه هو اللى بيهدد امن واستقرار مصر هو الظلم لما موظف ياخد اكتر من التانى جنيه وهو مساوى ليه كل حاجه بس لمجرد ان هو شغال فى مجال تانى هو ده الظلم اللى المظلوم لازم يطالب بحقه فيه علشان هيتحاسب على سكوته والمسئول مابيتعلمش من اللى قابله ومش عارف ان دعوات مليون معلم اكبر من تصريحاته اللى بيقلب بيها الاعلام علينا