دائما مبدعه يا شروق و بجد استفدت جدا من الانتى كاتباه
و احب اضيف كام حاجه على قدنا يعنى
1 - تنظيم الوقت : بمعنـى اننا ننظم وقتنا مش بالساعه لا بالوقت ككل بمعنى اخر
اننا مش نقول من 6 الى 8 فيزياء و مفيش خروج من الاوضه لالالا ده اكبر غلط لانك يوم بعد يوم هيبقى روتين
قصدى تنظم الوقت انك مثلا تذاكر الدرس بعد ماتطلعه من الحصه و قبل ماتروح الحصه الجديده تذاكر القديم مراجعه يعنى
2 - متعقدش نفسك ادى كل حاجه حقها و ادى وقتك كله لربنا بمعنى فكر فى ربنا و خليك واثق فيه ثقه كبيره جدا
ملهاش حدود عشان تكمل و انت مطمن و ادى وقت المذاكره باتقان و وقت الترفيه و اللعب باتقان و وقت الاكل و الشرب
و تقعد مع اسرتك و هكذا انت يومك 24 ساعه لازم تعرف تنظمهم و متعقدش نفسك و متحولش نفسك الى انسان ألى
و دول كلمتين حبيت اقولهم ممكن يفيدوا و ان شاء الله عن قريب هحاول اكتب موضوع يفيدكم
و شكرا ع الموضوع الجامد ده يا شروق و بجد هيفيد ناس كتير جدا
دائما مبدعه
تحيـــــــــاتى
|