السلام عليكم
والله انا اقترح ان تفعل نقابة المعلمين تفعيل حقيقى وليس اى كلام عن طريق ما يلي:
انشاء جمعيات استهلاكية ضخمة لخدمة المعلمين واسرهم تبيع بسعر مدعم ودى كمان هتكسب النقابة فلوس بالهبل
شراء اوتوبيسات فاخرة مكيفة لخدمة المعلمين والرحلات المدرسية ودي كمان هتبقة مدعمة للمدرسين فقط وباقى اليوم تخدم فى المرافق وتجيب فلوس للنقابة برده بالهبل
تقوم وزارة التعليم المحترمة بالتنسيق مع وزارات التعليم فى البلدان المختلفة عربية واجنبية ويعملوا مونديال زى مونديال لندن بس لاطفال المدارس ويكون فى مصر علطول وده بالتنسيق مع وزارة السياحة والرياضة والفكرة دى لوحدها هتجيب فلوس بالهبل برده وتنشط السياحة وكمان هنحسن مستوى اولادنا في اللغات والثقافة العالمية والرياضة طبعاً ده اساسى وده مش حرام ولا عيب بس عايزين رجاله جدعان زي العبد لله
النقابة المبجلة أوالمطابع الاميرية المحترمة تدخل مجال طباعة الكراسات والكشاكيل للطلبة وكمان كراسات اعمال السنة ودفاتر التحضير للمعلمين وطبعاً منبقاش رجالة اذا ما عرفناش نسوقها ودى لوحدها تدخل مليارات واوعي تقولى احنا سوق حر
كمان التعليم الصناعى والزراعي لازم يكون منتج ازيد من كده وعيب ان احنا كوزارة عندها عدد طلاب ومعلمين ومهندسين بالآلاف ومنصنعش تخت المدارس فى المدارس الصناعية امال تعليم صناعي ازاى
والله انا معلم ولو مسكت الوزارة دي هخلي مصر دي ملك للمعلمين والطلاب وده تليفونى علشلان التواصل وشكراً
01014103939
|