الاهداف الشخصيه دي ليك انت والمجموعه بتاعتك
والرياسه اتصلت بالهام شاهين وصرحو بكده وعبروا عن تضامنهم معاها وده في الاعلام صوت وصوره وتفاعل الرياسه مع مشكلتها وتجاهل المعلمين ده اسمه نهضه.. نهضه نهضه يعني مش اي كلام!!
الاولي انه كان يبادر بحل مشكة المعلمين وتلبية مطالبهم!!
القرض قبل الرياسه ربا وبعدها حلال!!!
الصناديق الخاصه كافيه لسد عجز الموازنه والجنزوري بيسرقها هو وحكومته وبعد الرياسه نسيناها!!!!
امريكا عدو الله ودلوقتي شركاء!!
مصر مليان خيرات منهوبه لازم نستغلها وبعد الرياسه نقترض من البنك الدولي!!!
ايام مبارك لا للطوارئ!! ودلوقتي قانون الطوارئ في القرآن!!!!!
قبل الرياسه القضاء المصري هو ملجأهم الوحيد وكان بيحكم لصالحهم ودلوقتي احكامه مسيسه ومجلس الشعب راجع تاني!!! غصب عن اعلي محكمه في مصر!!!!!
قبل الرياسه 6 ابريل خونه وعملاء ودلوقتي اشرف ناس في مصر!!!!
المشير ومجلسه هم حماة الثوره وبعد ما خدو مجلس الشعب... يسقط حكم العسكر!!!!! مع انهم كانو حبايب وكانو بيقسمو سوا!!!!!
حمدين صباحي ثوري ولما رفض يدعم حملة مرسي خاين وعميل !!!!!
البرادعي خاين جاي يقسم مصر وبعد ما اثبت انه بيفهم اكتر من مليون واحد زيهم ووقعو في المصيده بتاعة العسكر.. ده راجل وطني شريف!!! ويعد شويه ده خاين يا عم وعميل!!!!!
قبل الرياسه... مشروع النهضه ... النهضه اراده شعب!!! وبعدين !!!.... مفيش مشروع اسمه مشروع النهضه والاعلام هو اللي فهم غلط!!!
حملة ال100 يوم... وبعدين نسيناها!!!
قبل الرياسه ... مليش علاقه بالخوان واستقلت... وبعدين نلاقي القرارات طالع من مكتب الارشاد قبل الرياسه بيومين تلانه!!!!
مليش علاقه بالخوان خلاص.. وبعد الرياسه.... الجماعه هي اللي بتتكلم باسمه وبتقابل الوفود الاجنبيه!!!!
البلد مفيهاش فلوس دلوقتي ومطالب المعلمين ملهاش ميزانيه... وتكلفة تأمينه يوم صلاة الجمعه 3 مليون!!! يا عم صلي في القصر الرياسي وبرضو التليفزيون هيصورك والناس هتشوفك ووفر ال 3 مليون لميزانية الدوله!!!!!
قبل الثوره.... النظام بيتعامل مع امريكا واسرائيل اعداء الاسلام!!! وبصدرلهم الغاز بتاعنا!!! وبعد الرياسه.. دي اتفاقيات دوليه وامريكا شريك استراتيجي!!! واتفاقية الكويز اتفاقيه دوليه تخدم الاقتصاد المصري!! ومعاهدة كامب ديفيد معاهده دوليه!!!لابد ان نحترمها!!!!
قبل الرياسه.. لن انام وفي مصر مظلوم!! وبعدين بنعملكم قانون طوارئ عموله تحت راية الاسلام!!!
قبل الرياسه القضاء الشريف ومجلس الدوله ملاذهم الوحيد ودلوقتي عايزين يلغوه من الدستور هو والدستوريه العليا... وهما اللي يعملو القوانين والدستور ويخدموا علي بعض وتبقي عزيه وهما اصحابها!!!!
قبل الثوره.. المرشد: مبارك والد كل المصريين ولا مانع من تولي جمال الرياسه.
اعضاء الجماعه: نريد فتح حوار مع الوطني ونكون شركاء
تنازل بعض اعضاءهم في 2005 لصالح رموز الحزب الوطني... علي حد تعبيرهم هما مش انا
قبل الرياسه.. لو شفيق فاز القاهرة هتولع وهننزل بالسلاح!!!! وامال دخلتو الانتخابات ليه؟ وقبل النتيجه.. لجنة الانتخابات من الفلول ... وبعدها... اشرف قضاه في مصر!!!!!
اي حكم في صالحهم... يحيا القضاء المصري الشامخ
اي حكم ضدهم..... القضاء فلول ومسيس ولن نمتثل لاحكامه!!!!!
انا بقول وقائع... حدث بالفعل
انت بتقول اي كلام وخلاص.. بتدافع وخلاص
انا موضوعي وبقول اللي حاصل ومتسجل وكل الناس عارفاه
يبقي خلط الاوراق ده مش عندي انا... فكر وانت تعرف عند مين!
وكل واحد ليه حرية النقد... بس النقد يبقي واضح ومباشر وواقعي وبدون اهانه لاي شخص... احنا بننتقد الافعال مش الاشخاص
انا من اول ما اسمي نزل في الانتخابات وانا بنتخب الاخوان الا في الرياسه... حتي مجلس الشعب انتخبتهم ونادم علي ذلك..... ايه الفرق بينهم وبين الوطني؟
الطريقه اللي بينفذو بيها السياسه بس.. هو ده الفرق
مرسي مسك الرياسه نتيجة دماء الشهداء اللي ضحوا بارواحهم عشان البلد... يبقي يحفظ حقوقهم اولا
مش واحد اخواني مسك محافظ كفر الشيخ بيقول.. انا جاي المحافظه عشان انشر الدعوه الاسلاميه!!!! هما كفار ولا ايه!!!!
ده فيهم ناس عندهم دين اكتر منك انت وجماعتك كلها... الشباب اللي مات في الثوره وضحي بروحه مات من اجل حياه كريمه.. كان عندهم الشجاعه اكتر من جماعتك كلها... لازم الاخوان كلهم يفتكرو كده.. ان اللي قامو بالثوره مش اخوان... بس مبدأ الاخوان انه يمشي مع الرايجه وركبوا الموجه... واستخدمو الدين في الانتخابات واحنا شعب متدين بطبيعته عشان كده كسبوا... علي مبدأ حق يراد به باطل
وبرضو مننساش البطاطس والرز والزيت... متصوره فيديو في كذا منطقه... وهنا في محافظتي عملو كده برضو
يا ناس فقراء نستغل حاجتهم... يا اما نتكلم في الدين عشان مصحلتنا الشخصيه
والغايه تبرر الوسيله
وفين الشريعه الاسلاميه اللي قالو هنطبقها!!! نسيوها!!!
وفين الحد الادني والاقصي للاجور!!!! ده لوحده لو طبقوه كان هيوفر للميزانيه مبالغ كبيره جدا
فين الكلام بتاعهم ايام الانتخابات؟.؟؟؟ هو ده السؤال
السؤال ده اوبن بوك open book
معلش في سؤال تاني... قارن بين مرتب الغفير ومرتب المعلم.؟
وما هو مشروع النهضه المزعوم؟ وأين ذهب؟ انهض وجاوب
__________________
The deeper you look, the more you will find
|