[مـــــلك]

احساس غريب جاني النهرده
اني بس عروسه لعبه
ماسك مشاعري بحبة خيوط
شويه أضحك لما يرغب
وشويه أبكي
وأغرق في بحر هموم لوحدي
ده لما يزهق
ويحس أني خلاص بقيت في عنيه ممله
أحساس بجد كتير كسرني
بقا بعد حبي
أحس أني عروسه لعبه
ومشاعري لعبه
والفرح لعبه وحزني عنده
أكيد بمثل
علشان فاكرني عروسه لعبه
تبقا ماليش حق أحس
ومشاعري عنده كدب بس
أنا حاسه قلبي
نازل بيبكي وصراخه عالي
بس مافي حد جنبي حاسس بحالي
لو تسألوني
هاقول بجد انا عمري يوم ما أحتاجت حد
حتى في زعلي وفي عز جرحي
بيبقا نفسي أجري عليه
وأرمي روحي أنا بين أيديه
ولو جروحي منه هو
نفسي أبكي منه ليه
نفسي أشكي جرحي منه
بين أيديه
بس يجي أزاي ويرحم حزني مره
بس يجي ازاي في يوم يسمعلي مره
أزاي يفكر فيا
وانا بين أيديه وفي نظره
طول عمري عروسه لعبه