[To Be Is To Do]

السلام عليكم

توبيك إنهارده بعنوان " دعوه للشر "

ساعات كتير الناس بتزعل مننا من تصرفاتنا مثلا معاهم
طيب إنت عايز تعكس الموضوع وتخلى نفسك إنت إللى زعلان منه
متخفش حقولك تعمل إيه .. أومااااال حسيبك على عماك يعنى !!

واحد زعلان منك طبعا حتروح تصالحه
وهو طبعا حيعيش عليك دور التقيل
فتروح إنت تقوله " خلاص يا سيدى براحتك بس إفتكر إنى أنا إللى أبتديت وصالحتك "
وتروح سايبه وماشى لو كنت مقابله
ولو فى مكالمه تقوله طيب سلام دلوقتى
حتلاقيه إندهش من كلامك طبعا
وحتلاقيه يقولك " خلاص متزعلش أنا آسف "
تقوم إنت بقى ترد عليه وإنت رافع راسك وتقوله " مفيش مشكله خلاص أنا سامحتك "

واستمرارا لأعمال الشر
ترقبوا موضوعاتنا القادمه

لكم منى خالص تحياتى وأرق أمنياتى
كان معكم خالد الشرير