شكرا ليكي جدا يا شروق انتي وخالد علي الموضوعات الرائعة اللي بتقدموها
وبجد الموضوعات دي هادفة وبتفيد ناس كتير
أنا هجاوب نقطة نقطة ان شاء الله
..
..
النقطة الاولي:بالنسبة للحياة من غير نت بعيدا عن العمل أو الدراسة أو الاشياء الضرورية..في نظري هتبقي ايه؟؟
فده بيتوقف علي مدي استخدامي للنت يعني
أنا مثلا بدخل النت لأسباب كتيرة منها:
1_الدروس التعليمية وحصص الغرف الصوتية وغيرها من الامور اللي متعلقة بالدراسة
2_اني بتكلم من خلاله مع أصحابي وقرايبي
3_بتصفح المنتديات وبقرا مواضيع وبشارك فيها والامور دي يعني
4_اني بحب أعرف الاخبار سواء كانت(سياسية _دينية _.....الي اخره)
وأشياء كتيرة...يعني النت دلوقتي فرق في حياتنا كتير
بس مع ذلك ..أنا شايفة ان الحياة هتبقي عادي جدا لو مستخدمناش النت غير في الاشياء الضرورية
وده بالنسبة لي انا..غيري كتير يكونوا رافضين الفكرة
وممكن فيما بعد تتغير وجهة نظري في النقطة دي
لإني أنا كطالبة ثانوية عامة فدخولي علي النت مش كتير واستخداماتي ليه مش كتيرة