[Golden Eagle]

اعزائي المشاهدين معكم مصطفي خالد دكتور صيدلي ان شاء الله و محلل رياضي لحد ما يجيبوا محلل رياضي
الماتش النهاردة سئ من الفريقين و المدربين
و ان كانت الهجمات متبادلة بس الزمالك بينهي هجماته احسن و شريف اكرامي انقذ اكتر من هدف
هدف الزمالك جه من مهارة فردية للاعب ( محمد ابراهيم ) مع سوء دفاع
هدف الاهلي جه من خطه انا مستغرب ازاي اتنفذت عادي ف الزمالك كدا لأنها خطة اتفرمت ف هبروميت ماتش قبل كدا ( هبروميه دا رقم كبير ع فكرة )
الزمالك كان فيه ف رأيي اتنين لاعيبه هم محمد ابراهيم اللي جاب الجون و فتح الله اللي كان بيدافع و يهاجم و يشوط فاولات و يوقف هجمات و يشترك مع اكرامي و يرفع و يباصي و يشوط و كان ناقص يحكم كمان
الاهلي طبعا ً حدث ولا حرج
كور مقطوعه
متعب بيتحرك كويس بس الانفراد راح مباصي الكورة لعبد الواحد
جدو اناني جدا جدا جدا
عبد الله السعيد تايه
حسام غالي مش بيلعب
تريزيجية عوده طري و ان كان ادي مش بطال
احمد صديق بيجري بس مش بيرفع
احسن واحد هو شريف اكرامي اولا ً و يليه بركات بالهدف بس
بصراحة ماتش مافيهوش احداث تتحلل
التحليل بقي ع الحكم
الحكم تونسي
و الاهلي ممكن يلاعب الترجي التونسي
ليه تحطه ف الحرج دا ؟؟؟
الحكم ما طلعش انذارات النهاردة خالص مع انه كان في شد فانلات هنا و هناك
و الانذارات ف رأيي مش حاجة غير مؤثرة
يعني لو نفض لفاول كان ماشي لكن اللاعيب اللي بياخد انذار خصوصا ً لو كان مدافع افعاله فيما بعد بتتأثر كتير بالانذار دا
ما علينا
الاهلي اتعادل
و نشكر فريق تشيلسي الشقيق علي حسن تعاونهم معنا و الله