[صابر ادريس]

المشاركة الأصلية كتبت بواسطة never come back

انا كنت واخدة فرنساوى مادة جميلة وسهلة والحمد لله قفلت فيها 50 بيتهيقلى لازم درس فى اللغة التانية طبعا اللغات عموما الدروس مهمة فيها لكن ممكن متاخدش فى المواد الادبية زى الجغرافيا والتاريخ والفلسفة وكده وممكن متاخدش كمان فى العربى بس الصراحة هو عايز تأسيس بردو عشان فيه فروع جديدة زى البلاغة والادب فحضرتك شوف المنهج وقرر بنفسك هتقدر عليه لوحدك لو محتاج درس وطبعا الرياضة بردو هتحتاج فيها درس والمواد العلمية زى الكيمياء والاحياء والفيزياء عشان دى عايزة فهم كويس من المدرس لكن فيه ناس بتطنش فى اولى الدروس وبتزاكر مع نفسها وخلاص وبيجوا فى الثانوية العامة ياخدو بقا فى كلووو لأنها مهمة طبعا والنص درجة بتفرق
ربنا يوفق حضرتك ولازم تشوف المناهج بنفسك وتقلب فيها وتقرر

خلاص ان شاء الله انا هجيب الكتب الاسبوع ده وهشوف الى اقدر اذاكره لوحدى والى مش هقدر عليه وربنا يسهل بالنسبه للغه الثانيه فى ناس كتير بتقولى الفرنساوى رخم وبيحتاج مجود اكتر من الالمانى والايطالى بس عموما ربنا يسهل ان شاء الله بس انا هشوف المدرسين وهما بقى يقدروا موقفى

للمره الثانيه بشكرك على المساعده واخر حاجه بس حابب اعرفها ماده زى العربى بتتذاكر ازاى والكيميا برضو عشان انا متخوف منهم بعض الشىء