[ورقة شجر]

بيقولوا 50% زيادة علي الأساسي وجيراني بيقولوا ها تزيد 1000 جنيه ياعم في الكادر ما يعرفوش إن ال50% دي من الأساسي هي 200 جنيه إبن أختي ربنا يحميه بعمل طيار بقي له سنة بيقبض ما شاء الله 7000 جنيه دا غير المميزات إللي بيستفادها من الجيش يعني دا مش أر ربنا يحميه ويبارك له لكن الواحد بيشوف وضعه بالنسبة للمستويات الأخري يلاقي نفسه ما يساويش ساعي في وزارة محترمة إحنا معلمين الأجيال إلي دخلنا تربية كلية القمة بعد عشرين سنة تلاقي المرتب1200جنيه وها يزيد ال 50% كمان المفروض إننا نفرح ونطير من السعادة بعد البروباجندا إللي حصلت وحصول المعلم علي 100% في الكادر لا أحد يعلم أن ال100% دي كلها 400 جنيه لأن الأساسي كله 400 جنيه والمطلوب مننا أن لا نعمل بعد الظهر لكي نغني أولادنا العوز ونلبي طلباتهم لأنهم في مراحل التعليم المختلفة وطبعا مش مطلوب حد يفتح بقه تاني لأنهم زودونا ال100% خلاص والمرتب والحمد لله سوف يصل إلي 1600 جنيه بعد 20 سنة خدمة في التربية والتعليم إحنا مش بنشكي للعبد إحنا بنشكي للرب وبنطلب منه بعد الثورة إللي أكثر واحد شارك فيها هو المعلم من كثرة همومه في العصر البائد وكنا نتمني في عصر العدالة أن يتم عدل ربنا وتقوم العدالة الإجتماعية التي عملنا من أجلها الثورة وتتساوي المرتبات في جميع الهيئات من نفس نوع المؤهل ويطبق الحد الأدني والأقصي