[محمد رجب خليف]

السلام عليكم
والله يا جماعة مالكوش عذر ده وضع المعلم مقارنة بقبل الثورة بقه ممتاز احناكنا فين وبقينا فين من 316
عقد مميز الى 671 حالياً والمعلم فى آ خر شهر 1 هيقبض ان شاء الله 900 وفكة مش وحش الصبر شوية يا جماعة وانا بفكركم بمقترحاتى لحل مشاكل المعلمين المالية
والله انا اقترح لحل كل مشاكل المعلمين المادية ان تفعل نقابة المعلمين تفعيل حقيقى وليس اى كلام عن طريق ما يلي:
1_انشاء جمعيات استهلاكية ضخمة لخدمة المعلمين واسرهم تبيع بسعر مدعم ودى كمان هتكسب النقابة فلوس بالكوم
2_شراء اوتوبيسات فاخرة مكيفة لخدمة المعلمين والرحلات المدرسية ودي كمان هتبقة مدعمة للمدرسين فقط وباقى اليوم تخدم فى المرافق وتجيب فلوس للنقابة برده بالكوم
3_تقوم وزارة التعليم المحترمة بالتنسيق مع وزارات التعليم فى البلدان المختلفة عربية واجنبية ويعملوا مونديال زى مونديال لندن بس لاطفال المدارس ويكون فى مصر علطول وده بالتنسيق مع وزارة السياحة والرياضة والفكرة دى لوحدها هتجيب فلوس بالكوم برده وتنشط السياحة وكمان هنحسن مستوى اولادنا في اللغات والثقافة العالمية والرياضة طبعاً ده اساسى وده مش حرام ولا عيب بس عايزين رجاله جدعان زي العبد لله
4_النقابة المبجلة أوالمطابع الاميرية المحترمة تدخل مجال طباعة الكراسات والكشاكيل للطلبة وكمان كراسات اعمال السنة ودفاتر التحضير للمعلمين وطبعاً منبقاش رجالة اذا ما عرفناش نسوقها ودى لوحدها تدخل مليارات واوعي تقولى احنا سوق حر
5_كمان التعليم الصناعى والزراعي لازم يكون منتج ازيد من كده وعيب ان احنا كوزارة عندها عدد طلاب ومعلمين ومهندسين بالآلاف ومنصنعش تخت المدارس فى المدارس الصناعية امال تعليم صناعي ازاى

وان كمان بضيف اقتراح جديد ممكن الوزارة المحترمة تشترى عمر افندي وتبقى ملك الوزارة ودى بتكسب فلوس كتتير اوى لو اشتغلت صح