السلام عليكم
انا مش خايف خالص مالص من الامتحانات
لانى الحمد لله فى هندسه ومعنديش امتحانات
نصيحه غاليه لكل اخواتى فى المنتدى
اوعى القلق والخوف
لانك والله لو قلقان او خايف مش هتعرف تحل
انا معاك اه انت بتحس انك ناسى كل حاجه
ومش فاكر اى حاجه دا احساس طبيعى والله
متقلقش منه
انا ليا اصحاب كتير ضيعهم القلق والخوف
انا هقولك بيأثر عليك القلق والخوف ازاى
اول ما تدخل الامتحان وتبص فى الورقه
لو لقيت سؤال صعب بتقول خلاص انا مش هحل حاجه
ومش هجيب مجموع و......و..........
والله يا جماعه انا كنت بروح الامتحانات متاخر
وكنت بعدى بتاع تلات اسئله ورا بعض مش عارفلها اجابه
بس انا ريلاكس خالص الحمد لله
ياريت تقولوا لنفسكم انتوا ليه قالقنين
هو انت لو مجبتش مجموع هيقتلوك ولا هيدبحوك
لا والله هما اكيد شيفينك انك عملت اللى عليك
اما بالنسبه للمجموع دى حاجه بتاعه ربنا
دا نصيبك
ياريت تفرفشوا بقى وتنسوا الخوف والقلق دا
الكلام دا خدوه منى ثقه وعن خبره
ولو حد عايز جرعه شجاعه يقولى وانا والله عن ثقه هظبطه
سلاااااااااااام ربنا معاكم