[علوة حامد]

المشاركة الأصلية كتبت بواسطة mr.ahmed el-hady

انتو قسمتوهم فرقتين تيار اسلامي وتيار مش اسلامي!!!


اللي تبع الاخوان والسلفين يبقي مسلم وأخلاقه عاليه واللي مش تبعهم يبقي علي غير المله!!!! انتو مين اصلا عشان تتهموا الناس بالباطل؟ اللي قامو بالثوره لا اخوان ولا سلفين ولا ينتمون الي ما يسمي بالتيار الاسلامي..... متنسوش انهم شباب الفيس بوك اللي كان كل الناس بتنتقدهم..... متغيروش الحقيقه لأنكم مش هتعرفوا




وبلاش الكلام اللي ملوش معني ده.... اي معارض يبقي فلول!!! وانتو منزلين من السما يعني ومش عايزين حد يعلق ولا ينتقد اي شخص ينتمي الي ما يسمي بالتيار الاسلامي!!!



خلي كلامكم موضوعي... الصح نقول عليه صح والغلط نقول عليه غلط... من غير مجاملات وكلام فارغ عشان مصلحه شخصيه ... سواء بقي من التيار الذي يسمي بالاسلامي او التيار الذي يسمي بالغير اسلامي....علي اساس انهم كفره يعني!!!!

خلي الناس تشوف اخلاق التيار الاسلامي في تصرفاتكم اولا.... مش كل حاجه هجوم وفلول وسب وقذف الناس بالباطل... ده مش من الاسلام في شئ!!!

اتكلمو شويه علي مشروع النهضه عشان احنا نسيناه خالص... هو راح فين يا جماعه؟


والله العظيم عمري ما انتخبت اي حد في الحزب الوطني وكل انتخابات كنت بنتخب الاخوان( قبل الثوره)

عشان لا تقولو عليا صاحب مصلحه ولا حاجه
خلينا ندافع عن مصلحة البلد مش مصلحة جماعه معينه عشان نتقدم شويه.
واللي يتكلم يحاول يبقي موضوعي شويه بدون هجوم علي الاخرين بدون دليل

في ناس تنتمي الي ما يدعي بالتيار الاسلامي كانت قبل الثوره بتبوس ايد مبارك واعوانه ولأخر لحظه كانو ضد الثوره وحرموا الخروج في مظاهرات... دلوقتي بيقولو احنا الثوره!!!! علي مبدأ امشي مع الرايجه!!!


خافوا علي مصلحة البلد مش تقسمو الناس فرقتين.. احنا مش داخلين ماتش كوره... ولكم في الاندلس عبره لمن يعتبر

واقرو التاريخ

وكل واحد يبدأ بنفسه الاول.....ولا كلنا دلوقتي مشايخ وعالمين بأمور الدين ومش ناقص حاجه خاااااااالص غير اننا نوعظ الناس بس!!!!

ان كنتم أهل دين.. فلا جداره لكم بالسياسه.......وان كنتم أهل سياسه فمن حقي ألا اختاركم ولا جناح علي ديني

أنا مسلم قبل ان أعرفكم... وأنا مسلم قبل ان تكونو حزبا... وأنا مسلم بعد زوالكم.. ولن يزول اسلامي بدونكم
والحزب او الجماعه تمثل الفكر السياسي لأصحابها ولا تمثل المسلمين
وأتمني ان يصل الدين لأهل السياسه ولا يصل أهل الدين للسياسه

وربنا يهدي الجميع

نحن لم نقسم احد ولكن الاخوان اصحاب مشروع نهضة للامة مرجعيته هي الاسلام والاخرون لا يريدون تلك المرجعية ويرفضونها فهم الذين فرقوا

الاخلاق العاليه بشهادة الجميع لابناء التيار الاسلامي واسمع الحوارات من ابناء التيار الاسلامي وغيرهم وأنت ترى الفرق في الاختلاف بأدب والطرف الاخر ليس معه غير الاتهامات والسب والقذف

أما من قام بالثورة ليسو اخوان فهذه معلومة خاطئة الاخوان هم العمود الفقري لها وبلاءهم يومي جمعة الغضب وموقعة الجمل لا ينكره احد

الانتقاد يكون بالادب وليس بالسب والقذف وقلة الادب

ما يقوم به الرئيس مرسي من جذب الاستثمارات والصناعة الى مصر هو تمهيد للمشروع فلابد حالياً تنشيط الاقتصاد حتى يتعافى أولاً

طبعاً أنت لا تقصد الاخوان ومن تقصدهم لم يكونوا يناصروا مبارك ولكنهم أخطأوا في الاجتهاد أما من كان يناصر مبارك ويبوس الايادي فهولاء سلفي أمن الدولة وهم صنيعته وهم قلة

الاخوان والسلفيين مسلمين يريدون الخير لبلادهم ويريدون تطبيق الاسلام على ارض الواقع لنهضة بلادهم فلا أمل في نهضة واستقلال بدون الاسلام والاحزاب الاسلامية تريد أن توصل الفكر الاسلامي الى اهل السياسة وهذا ما يفعلونه