دلوقتى
موضوع الست سنين دول لسا الدفعة الجاية مش دفعة السنة ديه إن شاء الله عشان ناقص موافقات معينة تقريبا منهم بتاعت مجلس الشعب و طبعا مجلس الشعب منحل حاليا
لكن المنهج و الترتيبات بتاعت الست سنين أتعملوا خلاص و خد الموافقات المبدئية و تمام
موضوع المهن الطبية إحنا مبدئيا فى الكادر أصلا لكن المهن الطبية لسا هاننضم برضه ناقص موافقة مجلس الشعب ع حد معلوماتى لكن خلاص الموضوع ماشى مش زى زمان كان واقف و كدا
الدى بى تى بقى
اللايحة بتاعته هاتطبق مع الست سنين حسب الكلام اللى عرفته
و هايبقى بالنسبة لينا إحنا و الدفعة الجديدة بعد ما نخلص هانحضر الدى بى تى زى الماجيستير مثلا كدا و هاتبقى فى حدود التلات سنين ده موقفنا منها
و هاتبقى بالنسبة لينا أختيارية بس بحلول سنة 2020 النقابة مش هاتقبل حد معهوش الدى بى تى و ده النقابة بتاعتنا صرحت بيه فى الأجازة
و كمان بحلول سنة 2025 تقريبا هايبقى مش معترف بدكتور العلاج الطبيعى اللى معهوش الدى بى تى سواء هنا أو برا
طبعا أهلا بحضرتك و ربنا يوفقك فى أى واحد من الأختيارين