[راجى طاعة الرحمن]

مش عارف أقول إيه؟...

الشعب اتقسم لتيارين...تيار إسلامى وتيار مش إسلامى!...أنا اتخنقت من حال البلد...

أنا اديت الإخوان الفرصة إنهم يثبتوا إنهم يستحقوا اللى هما فيه لكن الظاهر إن هما مايستحقوش....

لسة الإخوان تفكيرهم زى ماهو...لسة بيظنوا نفسهم فوق الناس التانين....

لسة بيظنوا نفسهم إن هما آل لوط الطاهرين..لكن بقيت الناس قوم لوط الفسدة....

أنا عن نفسى صوتى كان للإخوان فى الإنتخابات الأولى...لكن فى المرة التانية صوتى يستحيل يكون ليهم..هاقول لك ليه...

الإخوان تخلوا عن شباب محمد محمود..

الإخوان عايزين يإخونوا الدولة...

الجمعية التأسيسة إخوان...

مجلس الصحافة إخوان..

مجلس حقوق الإنسان إخوان..

المحافظين إخوان...واللى ملاحظه إن فى محافظين ملهمش دعوة بالسياسة وبقوا محافظين لإنهم إخوان!!!...ومنهم محافظ المنيا...دكتور نساء وتوليد..وبقى محافظ علشان إخوانجى وتبع سعد الكتاتنى..!

الإخوان يبقوا أغبية..لو نزلوا تانى مجلس الشعب بالصورة اللى نزلوا بيها...

الإخوان بمائة كلمة....

محمد مرسى لغاية دلوقتى الشعب كله عاطيه الفرصة....زى ماعطى الفرصة لمجلس الشعب.وخذله...

أفضل حاجة حصلت هو حل مجلس الشعب ..وعقبال مجلس الشورى والجمعية الإخوانية للدستور..

أول حاجة هاتفكر فيها يا أخ علوة...هاتقول يااااااااه,,,الناس مش عايزة الإسلام يحكم...

وأنا هارد عليك واقول لك....إنتوا مابقتوش تمثلوا الإسلاميين.....فى أى شئ..إنتوا والسلفيين ثبت إنكم تدعوا الإسلام السياسى...

وآخر الأخبار...

خطبة الفنانة حنان ترك لرجل الأعمال الإخوانى الشهير حسن مالك!!!!!!!!

وعايز كوووووووول الإخوان يعرفوا حاجة...إن هما وصلوا للى هما فيه بإستغلالهم للشعب وطيبته..واستغلال الدين...

وإن الشعب تم إجباره على الإخوان....