وبالنسبة للوزير ده نص الحوار اللي جه في الراديو في برنامج صوت مصر :
معانا وزير التعليم العالي دلوقتي وهوا من الوزراء القلائل اللي بيردو على تليفوناتهم فاحنا بنشكر له ذلك ونجوا منه لمسه للشباب المعتصمين امام مبنى ماسبيرو .
ايوه معالي الوزير
اهلا يا فندم
.
كان جاتلنا شكاوي معاليك ان فيه طلاب اتطبق عليهم نظام الكوتة وقالو انه جالهم استنفاذ رغبات ايه رد سيادتك!! وايه امكانية الحل في هذه المشكلة !!
انا طبعا جاتلي شكاوي كتير من الشباب المعتصمين هما من اولادنا والقرار اللي كنا مطبقينه كان قرار المجلس الاعلى للجامعات وهو على اساس القطاع وليس على اساس الكليات المنقطة وهو متضمن ان كل قطاع يكون مع بعضه مثلا كقطاع الهندسة وهكذا !! لكن بعد هذا الامر ظهر ان فيه بعض اولياء الامور وبعض الطلبة وهما ابنائنا وجدوا عدم استفادة من هذا القرار مع ان هذا القرار قد يعود بالنفع على بعض الطلاب اللي مش عايزين يروحو اقاليم <مقاطعة من المذيع > (طيب سيادة الوزير هوا عدد الطلاب بالنسبة للمقاعد المتاحة في الجامعات اقل او اكثر !!! )
الوزير ردا على السؤال :
هما اساسا ليهم نسبه في الجامعات 5% للشهادات المعادلة < مقاطعة من المذيعة > ( القرار ده اتحدد امته يا فندم ؟؟)
الوزير ردا على السؤال :
ده ده من شهر 6 اللي فات وخليني اكمل كلامي لو سمحتي
فاحنا لما جاتلنا الشكاوي دي قلنا احنا نرجع نعيد التنسيق مره اخرى بنظام السنة اللي فاتت . لان فعلا اصدار قرار من شهر 6 اللي هو الكوتة قد تكون ليه تبعاته القانونية والمفروض كانت الدفعة اخبرت بيه من وهما في اولى ثانوي
فالبتالي التنسيق الجديد هيبان يوم السبت على اساس التوزيع الجغرافي الجديد
المذيع :
في طلاب بيقولو ان الموقع فاتح لسه ومفيش حاجة حصلت وفيه طلاب بيقولو انها اشاعات
الوزير : لا لا اساسا التنسيق لسه مابانش التنسيق الجديد هيفتح يوم السبت بالنتايج الجديدة ان شاء الله واللي بيقول اشاعات جايز يكون مفهمش .
واستمر الحوار لمدة 9:58 دقيقة
|