[أنين الأنين]

هو فعلا موضوع شائك جدا ومحتاج نقاش طوييل
بس انا شايفه انها مشكله فى التربية والدين اكتر من كونها ماديه
اكتر حاجه بتغيظنى هيا الاباء والامهات لانهم فى الغالب سلبيين جدا فى موضوع لبس وأخلاق البنات
بل بالعكس البنت بتخرج معاهم وهما فرحانين بيها وكمان بيكونوا متدينين بس يقولوا سيبوا البنت تعيش حياتها
بس أختلف مع حضرتك ان مش كل اللبس بيكون علشان عريس
فى بنات اللبس عندهم موضه ووسيلة للفت الانظار والتباهى والشياكه والكلام ده
انا صحيح فى بيئتى ما احتكيتش بظاهرة العنوسه اوى لان اللى عرفتهم من البنات المحترمه بيتجوزوا ولو بعد فتره....عادى جدا رزق وبيجى فى اى وقت سواء بدرى او متاخر دى اقدار
لكن انى اتخلى عن أخلاقى ولباسى الشرعى ويصبح الدين مجرد شعار لاجل مسأله تتعلق برزق من عند الله كفله ليا عاجلا او اجلا..غلط
طيب امال المنتقبات بيتجوزوا ازاى؟ بالعكس دول من اكتر البنات اللى بتتزوج
الخلاصه ان الموضوع اساسه هو التربيه الدينية فى كل بيت
لان الاسرة لما بيبقى الدين اخر اهتمامتها وكله عادى جدا و اصل الموضه كده.. يبقى عادى جدا ان لبس البنت يكون كده
والحل هيا ان الدين يرجع ركن من اركان الشارع والمجتمع ككل ومش كل اللى الاعلام الفاسد بيعرضه نطبقه فى مجتمعنا وحياتنا
وان الاباء يا خدوا دورات قبل الزواج لان حتى مفهوم الزواج والتربيه أصبح خاطىء
وبكده ترجع الاخلاق والاحتشام وكل حاجه
طبعا بالاضافه لتحسين الاحوال الاجتماعيه
يعنى فى الاول والاخر كل منشكله بنرجع فيها لعدم الالتزام بالدين
ونشر الثقافه الدينيه والتوعية عمومامهم وبالتدريج ...
واظن الاخلاق نفس الحكايه دين وتربيه وتعليم وإعلام لان الحياء من الله هو تاج الاخلاق
وبرضه المجتمع يفوق شويه ويقف ضد الانحراف الاخلاقى
و اسفه على الاطاله
بس فعلا موضوع مهم جدا محتاج رؤيه كبيرة ودراسات
جزااكم الله خيرا