[Engineer ..]

المشاركة الأصلية كتبت بواسطة جود تايم

انا بكلمكم النهاردة عشان انا خلاص بجد زهقت من الكلية دى اللى هى الزفت الهندسة دراسة مؤرفة ومناهج تقيلة وتعقيد ومعامل ومواد مقرفة زى الرسم الهندسى بصراحة انا فى الثانوى كنت فى نعمة انا بجد بقيت بخاف اوى والدكاترة بيعقدونا وبيقولولنا كتير جدا بيشيلوا مواد وبيسقطوا فيها وبيبقوا جايبين مجاميع عالية كمان وانا اصلا داخلها ب95 بجد ياجماعة انا هموت من الرعب هو دا طبيعى ولا انا لوحدى اللى كدة دا غير انى خدت كويز النهاردة وجبت صفر من ساعتها وانا مضايق

سقفة يا جماعة للباش مهندس الجديد اللي هينورنا
احمد ربك على الكلية دي محدش طايلها
اللي جواها مش طايقها واللي براها نفسه فيها ... كلام غلط متصدقش...
احنا مهما حصل في الكلية دي عمرنا ما هنفرط فيها ... الهندسة دي اسلوب حياة ... مش منهج أبداً يدرس ... هتعرف لما تتخصص ان شاء الله
و يا بني شيل من دماااااغك كوووووووووووووووول الإنطباعات الجديدة دي ... لما تخلص السنة كلها احكم عليها ف الأخر :D
هتتمني ترجعلها تاني والله
هتقول أنا بهزر ... عادي عادي انا في باور وبقولك اهوه اسمع كلامي :D

تعرف اني مهما اشتكيت من الكلية برده المشكلة كانت فيا ؟
ياااه هتقول معقول تعقيد الدكاترة دا كله والكويز اللي جبت فيه صفر
ياااااه كل ده وتقول المشكلة فيا انا ؟

أنت هتقولي ... يا عم الله يخليك انت متعرفش اللي انا فيه بطل بئه التفاؤل ده هو فيه حاجه عدلة في الكلية دي ....

لا والله يا هندسة أنا عارف كويس جداً
ومريت باللي انت فيه ويمكن أكتر حبتين تلاتة أربع حاجات كده :D
كفاية كل الميدتيرمات اللي الواحد اتعمل معاه السليمة فيه
بس يكفي اني طلعت فاهم حاجه من اعدادي ... في حين ان الأوائل على الدفعة كانوا 95% حفظ و5% فهم !!!
عامة ما علينا ... كل اللي عايز أقولهولك ... اعدادي دي سنة جميلة ... هدفها انك تجمع وجهة نظر سليمة عن الكلية وحيادية وتجمع كل المعلومات عن الناس اللي معاك وتعرف ده وده وده وتولــّـد فكرة عن التخصصات وتبني لنفسك حلم جديد ....
هندسة دي حياة والله فتفائل ....
وربنا يوفقك ... يارب