اقتباس:
المشاركة الأصلية كتبت بواسطة rana rory
لو قصدك من مستوى عالى انه يتعامل بتكبر مثلا
فانت عندك حق الموضوع دا بيحصل كتير
و تعامل الشخص دا بالطريقه دى بيكون لانه شايفك
احسن منه فبيحاول يحسسك انه ولا فارق معاه
ولا مستوى تعليمك ولا فارق السن
و دا من وجهه نظرى مرض
وكمان مش غلط اننا نتعامل مع الناس عادى كلهم بمستوى واحد
لان حتى ربنا قال ان كل الناس متساويين الفرق بينهم درجه الايمان
يبقى مينفعش نتعامل مع الناس من فوق
|
مهو مش غلط اننا نعامل الناس عادى بل هو ده الصح أساسا
بس أنا بتكلم من وجهه نظر ليه إنت تعاملنى وحش
أساسا أو تتريق عليا مثلا مع إنى _ مش قاصد أنا كخالد أنا أقصد اللى بيوعامل بالطريقه دى _ أحسن منك فى الكليه أو أكبر منك سنا أو ما إلى ذلك ..
والإجابه حضرتك إختصرتيها فى كلمه واحده مرض
وأنا بسميها نقص
مشكوره على الرد والمرور
تحياتى لردك
اقتباس:
المشاركة الأصلية كتبت بواسطة جديد و جديد
اولا موضوع رائع جدا يا خالد
و فعلا الموضوع ده بيحصل كتير
بس قبل مادخل اقول رائيى احب اقولك حاجه
هل بنعامل الناس باخلاقنا و لا باخلاقهم ؟
هل بنعامل الناس باصلنا و لا باصلهم ؟
هسيبك انت التجاوب مش انا
لاأكيد بأخلاقى أنا وبأصلى أنا
و هدخل اقولك رائيى
دايما بنقابل الشخصيات المتكبره حتى لو مش بيمتلكوا شىء
مش لازم تعليم و لكن ممكن تقابل واحد ملوش هدف ف الحياه و صايع طول عمره
و تلاقيه متكبر على ايه ؟ ! مش عارف
هو معندوش حاجه يتكبر عليها و تلاقيه متكبير جدا
فيه حكمه بتقول فاقد الشىء لا يعطيه
اذن الانسان المحروم من حاجه .. اكيد مش هيديهالك لانها مش معاه اساسا
مثلا انا معايا فلوس كتير لكنى متواضع و بعامل الناس بكل احترام و بدى للفقراء
يجى واحد شحات لكن مش بيحمد ربنا و يقول ليه انت كده و انا كده
الشخصيات المتكبرين بيبقوا فاكرين نفسهم انهم خساره ف المجتمع ده
بمعنى اخر انهم احسن منى و منك ده فى نظرهم هما
فالبتاكيد عمرهم ماهيحققوا حاجه خالص طول حياتهم
زى اختيار الصاحب .. هل اصاحب اى حد و لا اختار الاول
لازم احط لكل واحد حدوده .. بمعنى اخر نظامى معاه هيكون شكله ايه
لو واحد محترم و بيحترمنى اول ماشوفه اشيله على دماغى لانه بيحترمنى
و لو واحد وحش و بيحاول يجذبنى لاى حاجه وحشه اتجنبه فورا
الناس ساعات بتحكم عليك من صاحبك
يعنى لو كنت مع صاحب محترم هيقولوا فلان ده محترم عشان ماشى مع واحد محترم
اما لو صاحبك سمعته وحشه هيقولوا اتلم المتعوس على خايب الرجا
اكيد هنقابل ناس كتير و انواع كتير .. لكن نحبهم بحدود
و نفرق بين التعامل مع الناس .. و نعامل المحترم بكل ادب و تقدير و احترام
و المش محترم هعامله باحترام لكن مش اجرى عليه و اسلم عليه
ياريت يكون المعنى وضح و ياريت تجاوبو على السوال الاولانى و اكيد هتلاقوا اجابه لنفسكم
و اسف ع الاطاله
تحيــــــــــــاتى |
انا بتكلم فى بوينت إن ساعات تبقى قاعد مع ناس أقل منك وتلاقى نفسك بتتهزق منهم وإنت أساسا أحسن منهم أو فارق عنهم سنا
وحبيت أحط إختيارات للأسباب من وجهه نظرى
وأنا عملت الموضوع ده لأنى لمسه كتير ف جلسات
وحصل معايا انا كده وكمان حصل مع صحابى كده
فقلت أخد رأيكم فيه
ثانكس للرد 