[To Be Is To Do]

المشاركة الأصلية كتبت بواسطة المتفائلة...

انت بتعامل الناس بما يرضى الله ومن توضع لله رفعه
يعنى مش هتنظر انهم متعلمين او جهلين او اصغر منك
من نحية الاستهزاء فانا معاك وده يبين انك احسن منهم وان ده نقص عندهم مش عندك وغيرة فى نفس الوقت وده دليل على انك احسن منهم
وعلى فكره مش كل الناس بتتعامل بالاسلوب ده ممكن يكون مش قصدهم يدايقوك مثلا لو حسيت انك مدايق من حد قله انت مدايق منه ليه كن عزيز انفس وشوف رده هيكون ايه لو اعتزر فده مش قصده حاجة انما لو كان عكس كده فده احمق ولا تجادله
فقد يخطأ الناس يوما فى التفريق بينكم

ده فعلا اللى بيحصل بالظبط
انا كنت الاول لما بزعل من حد او لما بالمعنى الاصح يغلط فيا كنت بعديهاله وأقول ميقصدش أو مخدش باله لقيت الموضوع اتكرر معاه ومع ناس تانيه كتير جدا
فكده الواحد حيكون سورى ف اللفظ هزؤ أو مهزئ يعنى
لكن دلوقتى بقيت بقوله أنا زعلان منك فى كذا ييقول سورى مكنتش قاصد يا يكبر ويعمل عبيط وفى الحاله دى أنا ببقى أعبط منه وأديله سكه
بالمعنى الأصح بسيبه ومش بتعامل معاه

لو فى ناس اقل منك فى المستوى التعليمى واسلوبها راقى وتحس انه بيفهم ده من البيئة اللى جاى منها واسلوب التربيه اللى اتعلمها من والديه واكيد اتعلم منه كيف يكون انسان كويس وكيف يتعلم العلم ويقبل النقد ودا انا بشفق عليه وبحس انه حصلتله ظروف مخلتهوش يبقى حاجة كويسه بس بايده يبقى احسن من بتاع طب وده الناس بتحترمه جدا
واكيد كان بيبحث ويدور وعايز يوصل بس ربنا عارف انه مش هيتميز فيها وربنا مقسم الرزق بالتساوى سبحان الله يعنى فى ناس ربنا ادها تعليم وحرمها من المال
بس المتعلم ليه قيمة فى المجمتع والانسان بدون تعليم كنبات دون مطر بس برضه بنحتاج لكل عامل وبنحتاج لبعضنا
وناس اداها مال وحرمها من الراحة وناس ادها صحة وحرمها من التعليم سبحان الله مفيش انسان كامل الكمال لله وحده الحمد لله على نعم ربنا لينا

أكيد كلامك صح 10000 % فعلا بس النوعيات دى مش بنلاقيها كتير يعنى نقول 1% بس

وعلى فرق السن هى مش بفرق السن والله انا كانت متصحبة عليا وحده عمرها ضعف عمرى تقريبا وكانت بتحكيلى حاجات شخصية جدا وطبعا نصيحها لسة معايا وفكرهم وبطبقهم وافتخر ان كل اصدقائى اكبر منى سننا ومكنتش بخاف وانا بحكى معاهم وكان بينزلوا لمستوايا ويسمعونى ومكنتش حاسة بفرق خالص بس كنت بحترمهم ومازلت احترمهم

حضرتك هنا بتنظرى عشان انتى محترمه او بتعامليهم كويس ومحافظه على سنه الاحترام بينك وبينهم لكن هناك نوعيات بشر لما تنزل لمستواهم السنى وتبدأ انت اللى تسأل عليهم وتبدأ انت اللى تفتح الكلام معاهم يعتبروك تافه ويبدأوا يشتغلوا عليك
فأنا مش عارف هل العيب فينا عشان بنبدأ إحنا الكلام معاهم ولّا العيب فيهم عشان هما اللى مش كويسين !!

احنا ليه مننظرش بالنظره ديه اننا نحاول نعلمهم الاسلوب الراقى ونفهمهم ونفيدهم ولو عايزين حاجة نساعدهم هنلاقيهم بقوا احسن
لو ماقتنعش فده احمق وسيبك منه خالص ومش تبدا بالهزار وتقول بيعملونى وحش وكان لازم انظرلهم من منظور تانى
بس التعامل يكون بما يرضى الله وتشوف الكويس وتصاحبه واذا ابتلاك ربنا بعدو ادفع بالتى هى احسن انتى مجاز عن حسن تعاملك مع الاخرين
الحمد لله على النعم اللى ربنا ادها لك وحرم منها كتير غيرنا
ربنا معاك

مهى دى المشكله والله إننا ساعات بنتعامل بتلقائيه شديده ونسأل عليهم ونبدأ إحنا اللى نكلمهم
وبالنسبه ليا بساعدهم وبنصحهم على قدر معرفتى بس ساعات بلاقى النتيجه عكسيه انهم يبدأوا يشتغلوا علينا فى الكلام
أو يعتبرونا تافهين عشان إحنا اللى بنكلمهم

اشكرك على طرحك لهذا الموضوع القيم

ده حضرتك اللى مشكوره على ردك الأكثر من رائع وتحليلك للموضوع بشئ من الإستفاضه

جزاكى الله كل الخير