انا شايف ان اعلان موبينيل في تمثيل لكل فئات وطبقات الشعب المصري أكتر من اللجنه التأسيسيه
وكلما زادت تصريحات اعضاء اللجنه.. يظهر للشعب انها غير ممثله له!
زمان .. قبل مجلس الشعب والرياسه... كنا بنقول الدستور اولا.... وكلامنا طلع صح
رجعنا للصفر تاني.!!!
ده بقي في مصلحة مين؟
هل الدستور هو دستور للاخوان فقط؟ طيب لو نظام الحكم اتغير... النظام الجديد هيعمل دستور جديد؟
الدستور لكل المصريين وليس لجماعه او حزب معين
يبقي لازم الدستور يبقي من صنع الشعب كله.. لأنه دستور للشعب وليس للحزب الحاكم فقط هو وأتباعه
ده لو احنا فعلا عايزين دولة مؤسسات ودوله قويه تبني نفسها من جديد
انما كل الصلاحيات تعطي لرئيس الدوله... يبقي احنا كده بنصنع ديكتاتور من جديد
الرئيس نفسه وعد قبل الاعاده في الانتخابات انه هيعيد تشكيل هذه اللجنه.. لكن طبعا دلوقتي مفيش حاجه تجبره علي كده!!!
وبنسمع كلام عن الغاء المحكمه الدستوريه! ونزع الحصانه عن النيابه الاداريه!! القضاء لازم يكون مستقل عشان يؤدي دوره المنوط به. ولا يصح استبعاد هيئة قضايا الدوله من الدستور الجديد علي انها هيئه مستقله!!!
مصر فيها فقهاء في الدستور لم ينضمو للتأسيسيه وبدلا مهنم نجد اعضاء لا يصلحو اعضاء في مجلس محلي!!
منهم مثلا الست ام أيمن!
هما مجموعه قاعده لا تشترك في اي شئ لانهم عارفين ان الدستور معد مسبقا وهيطلع من الدرج ساعة التصويت عليه وهيرفعو ايديهم بس!!
موافقون.. موافقه
والاستفتاء هيبقي تحت شعار الدين واللا دين!! واحنا شعب متدين والناس غلابه وبتصدق زي انتخابات مجلس الشعب والرياسه
عشان كده كل الكلام عن الدستور ومواد الدستور واللجنه... تحصيل حاصل
اما نشوف قرار المحكمه بخصوص اللجنه التأسيسيه.,.... كل شويه يتأجل..!!!!؟
الدستور ليس حكر علي أحد
البرادعي فاهم قانون وسياسه أكتر من اي حد من جماعة الاخوان
وكل كلامه من ايام الثوره طلع صح باعترافهم بعد حل مجلس الشعب
__________________
The deeper you look, the more you will find
|