اقتباس:
المشاركة الأصلية كتبت بواسطة amal mohamed
والله هوه موش كذاب هوه صادق جدا فعلا الغالبيه العظمي كده الا من رحم ربي والمصيبه الثقيله في الابتدائي اللى فيها اكثر من مهزله واعمال السنه اللى في ايد المدرسين خليتهم غلان وانا اعرف اكثر من طالب جايب اقل من الدرجه النهائيه بدرجتين او تلاته في ورقه الامتحان في ماده الدراسات وسقط في الماده بسبب اعمال السنه لأنه ما بياخذش درس عند الابله وده في مدرسه الخليليه بالسويس واللي ابوه فاهم وراح اشتكي جريت المدرسه وقالت له اصل انا نقلت الدرجات غلط وعدلتها والغلبان اللى موش فاهم جاب ملحق وانت عارف الغلابه كتيييييير وخصوصا في هذه المنطقه
|
هنقول تاني................
المدرسين عايزين يجرموا الدروس الخصوصيه مقابل اجر عادل. لأن الدروس دي اصحابها معظمهم من خارج التربيه والتعليم
ده دليل واضح انهم عندهم ضمير في شغلهم وعايزين القله اللي اعتمادها الكلي علي الدروس وشغلها كله في الدروس يشتغلوا في المدرسه زي الاغلبيه العظمي من المدرسين
ويا جماعه.. ما ضاع حق وراءه مطالب.... يعني اللي ابن او ولاده في التربيه والتعليم.. طلبه يعني.... يتابعهم
اساسا اولياء الامور هم سبب رئيسي في الدروس الخصوصيه
ولكن............. اغلب المدرسين بيراعوا ضميرهم في المدرسه زي الدرس او اكتر... بالنسبه للناس اللي بتدي دروس
في مدرسين مش بيشتغلوا دروس كتير اوي
انا كنت طالب ومكنتش باخد دروس خالص( للأمانه... في الثانوي خدت شهر فيزيا وشهرين انجليزي)
ولا عمري خدت درس لا في ابتدائي ولا اعدادي
يعني الطالب المجتهد لا يلزمه اي درس في اي ماده... بشرط متابعة ولي الامر للطالب
والله العظيم انا في مدرسه جالي في يوم ولي أمر لا يعرف ابنه في اولي ولا تانيه ولا تالته اعدادي!!! ازاي!!!
حجة اي طالب دلوقتي انا عايز اخد درس زي زمايلي... منظره يعني
والستات دلوقتي بتغير من ولاد جيرانها.... تودي عيالها درس عند فلان وفلان زي بنت فلان!
وبعدين يشتكوا من الدروس!!!
يسيبوا ابنهم لعند تالته اعدادي وبعدين يكتشفوا انه مبعرفش يقرا!!! ويقولو المدرسين مش بيراعو ضميرهم... طيب انتو كنتو فين!!!
الفصل اللي فيه 50 و60 طالب... والمدرس عنده منهج طويل ولازم يمشي مع الخطه الزمنيه للمنهج .. مش هيقعد يمسك طالب طالببب يفهمه الدرس!!!
الدرش بيتشرح بما يرض ضمير المعلم لكن زيادة عدد الطلبه وكبر المناهج تؤثر علي مدي استيعاب الطلبه للدرس
يبقي المدرس لما يطالب بتطوير المناهج ومنع الدروس الخصوصيه والقضاء علي كثافة الفصول المرتفعه
ده في مصلحة ولي الامر قبل المدرس
وفي النهايه... السواد الاعظم من المدرسين يتقي الله في عمله
رأيت ذلك وانا طالب وأراه الان وانا مدرس
فلا يصح اتهام المعلمين هذا الاتهام الخطير..... قارنوا بين مرتب المعلم والغفير وأمين الشرطه
يبقي احنا الفئه الوحيده المظلومه في البلد من الحكومه او الحكومات المتتاليه وكمان من اولياء الامور!!!
واللي يشوف مدرس لا يشرح الدرس في الفصل لصالح الدرس الخاص....اسألو الطلبه... وبعدبن قدموا فيه شكوي
بس بلاش اتهام بدون وجه حق
__________________
The deeper you look, the more you will find
|