[حـيرم]

المجلس العسكرى برىء من كل الخزعبلات ويستحق القلادات وقتله الثوار ابطال والمجرمين الوحيدين قتلاهم لان مفيش دليل . بس الحمد لله ان الفشيق خرج من سباق الرياسه
اول ما فتحت الاميل لقيت الرساله دى ان مفيش دليل على قتل الثوار مع تعليق ساخر . بكرة يستدعوا المقتلويين لقتلهم مرة اخرى
عاوزين الدليل


أنا الدليل ..

أنا الدليل ..
أنا الدم اللى سال ع الأرض
ما استكفِـت ..
أنا العين اللى صابها الغدر
و اتصفِّـت ..
أنا الأم اللى حرقوا فؤادها ع الغالى
و لبست شال محنِّى بدمه و اتدفِّـت ..

أنا الدليل ..
أنا المخنوق ب سم الغاز على الكوبرى ..
أنا المضروب ب مِية خرطوش على ضهرى ..
أنا اللى العمر راح محنة ورا محنة ..
و قلت شاريكى ولا مرة نفَد صبرى ..

أنا المجنى عليه و اليوم بقيت جانى ..
واللى قتلنى برئ و عيونه ناكرانى ..
خرجوا الديابة من القفص أحرااااار ...
و انا اللى لسه سجين محبوس ف أكفانى ..

يا نكسة كات ف التاريخ و اليوم بقِت وكسة ..
يا قلوب و متلونة بالغدر و الخِســة ..
لو كنتوا فاكرين حلمنا ممكن يموت ..
متفرحووووووووووش .