[الأستاذة ام فيصل]

المشاركة الأصلية كتبت بواسطة أبوبسملة ياسر خليفة الطحاوى

عايز اعرف

يا بن بلدى

حق ولدى

ضعيته ليه

؟؟؟

يوم ما ضحى بزهر عمره

وبدم قلبه

روى أرضه

كل ده يا شعب ليه

؟؟؟

يوم ما هتف بين الذئاب

يوم ما صرخ وسط الكلاب

يوم ما نادى بأعلى صوته

مصر دايما هتبقى لينا

مصر نيلها بيجرى فينا

مصر دينك فوق عيونا

بإيد محمد ودم مينا

بس اسأل مين يا عالم ؟؟

يوم ما دمى هان عليكم

يوم ما كنت اصرخ ما بينكم

ووقعت ميت بين عنيكم

يوم ما جيتوا ترفعونى

بكل سرعة فوق ايديكم

اه يا بلدى

اه يا ولدى

اه يا حلم عمرى اللى ضاع

وسط شارع

بين الضياع

فى ثورة كانت

تهتف بقلب

تحيا مصر بكل حب

يوم رفضت ابدا رجوعى

وعلى ارضك سالت دموعى

وكل ده يا شعب ليه

؟؟

يقتل شهيد ويخرج بريء ؟؟؟

يدبح ابنى وسط الطريق ؟؟؟

وكل ده يا ولاد بلدنا

نفسى اعرف

اخره ايه

لكن ورحمة كل شاب

وكل آيه فى الكتاب

يا مصر تفضلى فى حياتنا

ابدا ودوما فوق السحاب

يا مصر حبك دين علينا

يا مصر حبك بيجرى فينا

يا مصر يا ام الحضارة واحنا

ولادك كلنا محمد ومينا
بقلمى
ابو بسملة
13 / 10 /2012

اسف اول مرة اكتب بهذا الاسلوب العامى

ياســــyasserــــــــــــــــر

تسلم ايديك اخي ابو بسمله
مبدع في الفصحى وفي العاميه
ومش جديد عليك الابداع والتألق
قصيدة رائعه وكلماتها مؤثرة
تحياتي وتقديري