[To Be Is To Do]

مضظــــــــــــــــــــر أحبــــــــــــــــــــك جدا
و أبنيلك قصر فـ عينى !
وأموت من كتر عنادك
و أروح القصر العينى
وأقلق لو يوم كلمتك
وموبايلك كان مقفول
وأضطر انى آكل سوشى
مع إنى بحب الفول
وأبطل شرب سجاير
علشان ريحة الدخان
وأقلل شرب القهوه
علشان مليون " علشان "
وأسهر للصبح معاكى
نشتم شركة موبنيل
علشان الصوت بيقطّع
لو كلّمتك بالليل
وأتابع كل مسلسل
علشان خاطر معاليكى
مع انى مليش فـ التركى
راح أتابعه عشان ارضيكى
ونروح السينما الصبح
علشان خايفه لنتأخر
سجلت شريط وانا نايم
وطلعت حبيبتى بشخّر !
ودى يمكن تبقى مصيبه
لكن عادى هتتحل
مضطر أسرح شعرى
لكن مش حاطط جل
بتزيدى فـ عندك جدا
وانا حبى مهوش بيقل
وإن قولت بحبك جدا
قلبك بلاقيه يتغر !
مهو أصلك عارفه وفاهمه
إنى بحبك مضطر
مضظــــــــــــــــــــر أحبــــــــــــــــــــك جدا

جزء منقول + جزء من تأليفى الشخصى
محدش يفهمنى غلط الكلام ده للترفيه فقط