[أ/محمد ابراهيم]

يعنى عايز تفهمنا
(1)
ان اللى كان بيوطى ادام مبارك عشان يلبس القلادة هو عصام العريان
ووقتها اللى كان فى المعتقل هو البرادعى.
...(2)
إن اللى كان بينسحل وبيضرب يوم 25 يناير عند دار القضاء هو البرادعى.
واللى كان لسة فى فييينا ومنزلش هو محمد عبد القدوس.
(3)
ان اللى كان بيؤم المتظاهرين فى الميدان هو توفيق عكاشة.
واللى كان فى العباسية ومصلوش الجمعة هو البلتاجى.
(4)
ان اللى واجه البلطجية يوم موقعة الجمل هم انصار البرادعى وحمدين.
واللى كان قاعد عالفيس وقتها وادام التليفزيون وبتفرج عالماتشات هم الاخوان.
(5)
ان اللى كان بيأمن الميدان وبيسهروا طول الليل هم ابو حامد وحمدين والبرادعى
واللى كان بيتوت وبيظهر على الفضائيات هم حازم وصفوت حجازى واسامة ياسين.
(6)
ان اللى واجه شفيق والعسكر هو حمدين والبرادعى
واللى قاطع الانتخابات وانسحب عشان مش عارف يجيب صلاحياته هو مرسى والاخوان.
(7)
ان اللى طالب بإطالة الفترة الانتقالية للمجلس العسكرى هو محمد مرسى.
وان اللى انهى حكم العسكر هو البرادعى.
(8)
ان اللى وافق على وثيقة السلمى هو الكتتانى ومحمد مرسى.
واللى الغى الاعلان الدستورى المكمل هو البرادعى وحمدين صباحى.
(9)
ان اللى بيطالب بالشريعة هم حزب الدستور والتيار الشعبى.
وان اللى بيحارب الشريعة هم حزب النور.
(10)
ان اللى حاول يجيب مسثمرين للبلد هو حمدين والبرادعى
واللى طفش المستثمرين هو مرسى والشاطر.
(11)
ان اللى اقال النائب العام هو البرادعى.
واللى بيعترض على اقالة النائب العام هو مرسى.

فعلا طلعت مصر عزبة