والله البرادعي عمره ما وطي امام مبارك ولا غير مبارك
والجمعيه الوطنيه للتغير وحركه 6 ابريل وحركه كفايه وشباب الفيس بوك هما اللي قامو بالثوره والاخوان اعلنو عدم مشاركتهم فيها !!!
البرادعي كان سبب في تحريك الناس والتفافهم حوله وهو اول من نادي بتغيير النظام في العلن ووضع تحت الاقامه الجبريه
في الوقت اللي كان الاخوان في الجحور بتاعتهم يوم 25 منتظرين يشوفو ايه اللي هيحصل وبعدين ركبو الثوره...!!!!!
مرشد الاخوان نفسه قال انه معندهمش مانع انه جيمي يمسك الحكم بعد ابوه!
الاخوان كانت مطالبهم سياسيه وليست ثوريه... كل اللي كانو عايزينه كام كرسي في المجلس!!! عشان كده بعد انتخابات مجلس الشعب باعو الثوار بأرخص تمن للمجلس العسكري!!!!
واول ما خدوا خازوق مغري من العسكر ارتموا تاني في احضان الثوار واستجدوا تعاطفهم معهم وتأييدهم في الانتخابات!!!
اعضاء الاخوان في المجلس كانت شغلتها تسقف لمصطفي بكره وهو بيشتم في البرادعي وبيمدح المشير!!!
كانو بيقولو علي 6 ابريل عملاء وخونه وبعدين اعتذرو ليهم وطلبو دعمهم في الانتخابات!!!
وبعدين ضربوهم في احداث التحرير الاخيره لان خلاص مش عايزينهم دلوقتي!!!
ليس لهم مبدأ غير المصلحه الشخصيه !!!
لما مرسي بعت الرساله دي لبيريز... في الاول قلو فوتوشوب!! وبعدين قالو الفلول هم السبب وبعدين لما الموضوع اتكشف...... استخبوا زي الفيران...لانهم معندهمش رد... فين الشعارات بتاعتهم؟ فين علي القدس رايحين شهداء بالملايين؟
فين وجدي غنيم اللي بيكفر الناس علي هواه؟ مش ظاهر من يومين ليه؟
فين مشروع النهضه؟ ده مصيبه لوحده!!!
النظام دلوقتي عايز يسد عجز الموازنه من جيوب الغلابه من خلال رفع الدعم وزيادة الضرائب وارتفاع الاسعار والاقتراض من الخارج!!!!
فين الكفاءات اللي قرفونا بيها ؟ لا يوجد علي الساحه حتي الان اي كفاءه من الاخوان!! ولا حد فيهم عمل اي حاجه في سبيل النهوض بالبلد!!!
فين الرؤيه؟ هو في بلد في العالم النظام الحاكم فيها ليس لديه رؤيه عن مستقبل هذا البلد؟ غير الدول المتخلفه طبعا
كل اللي بنشوفه تخبط في القرارات وارتجال سياسي!
المفروض يسألو النظام السابق ازاي كان عجز الموازنه اقل من كده وفي نفس الوقت كانو بيسرقو الملايين دي كلها ازاي!!!
واللي كدب علي الشعب مره واتنين... هيكدب عليهم تاني
بس الكدب ملوش رجلين
مازال العيش والحريه والعداله الاجتماعيه هو شعار الثوره التي لم تكتمل حتي الان
احنا غيرنا الويندوز بتاع النظام بس نفس المفات هي هي ونفس طريقة التشغيل لم تتغير حتي الان
اما ان نغير الهارد ديسك... يعني الشعب يهاجر ونسيب البلد للاخوان بس.... وده طبعا مستحيل
واما نقوم يعمل فورمات للهارد ديسك..... بما فيه من نفاق وكدب وتجاره بالدين وقهر للفقراء واستحواذ علي كافة السلطات وتفضيل اهل الثقه عن اهل الكفاءه.... لأن كل ده من اختراع مبارك... ايه الجديد؟
لازم اللجان الاليكترونيه للاخوان تشتغل اكتر من كده! هما بيبذلو جهد خارق في فضح الاخوان
تحيه واجبه لهم علي هذا الجهد...... ماشيين علي طريق جيمي بالظبط
للأسف لما الامور بتتقفل في وشهم بيختفوا عن الانظار!!!! اما خوفا واما قلة حيله!!
نحن نتفهم هذا .. فهم ليس بيدهم شئ يقدموه الا الدفاع الاعمي او السكوت!
وفي الحالتين....لا نعيرهم اهتمام حيث اننا مصريون ولا يعنينا اي شئ غير نهضة هذا البلد... بلاش كلمة نهضه عشان حساسه شويه ليهم!
نمشيها رفعة هذا البلد وتقدمه.... تمشي كده؟.
اي خدمه
__________________
The deeper you look, the more you will find
|