اقتباس:
المشاركة الأصلية كتبت بواسطة _GUIDE_
ياشقاوة اضحكى وهزرى لكن فى حدود معينة
الهزار الكتير والضحك الكتير بيقلل من قيمة البنى ادم
وخصوصا لو كان بنت
وابسط حاجة ان البنى ادم اللى قدامك هياخد عنك انطباع سىء او على الاقل
هيقول دى بنت ايزى من السهل انى اتعرف عليها واطلب اميلها ورقم تليفونها كمان
ده انطباع بيكون خده من هزارك مع كل الناس
حاولى يكون فيه حدود للهزار مع الناس
فهمانى ؟
|
فهماك يا اسلام بس بتخنق اوي من حوار ان الناس مش فهماني دة , طيب ليه الناس بتحكم على البني آدم من جانب واحد !! ليه مش بيشوفوا كللللللل صفاته وبعد كدة يحكموا ,
وعلى فكرة حوار الميل والموبيل والحوارات دي انا مش ليا فيها خالص ومستحيييييييييل تحصل حتى مع الناس الي اعرفهم بقالي يجي 4 شهور واكتر كمان !!
وكمان برا النت عموما انا مش بكلم الشباب على الموبيل ولا حاجة من دي
اانا مشكلتي الوحييييييييييدة الهزار
طيب ما في بنات كتييييييييير اوي مش بتهزر والناس بتقول دي بنات كويسة ومية مية وهدوء وحوارات كدة .. وتلاقيهم بيكلموا الشباب على الميل وعلى الموبيل وبيخرجوا معاهم كمان !!!
طيب بزمتك يا اسلام دا كلام !! ولا دي طريقة تفكير اصلا ؟؟!
والضحك والهزار يا اسلام مش بيقللوا من قيمة البني آدم ولا حاجة الا لو الهزار والضحك دول بيضروا حد , لو واحد بيستخف دمه على الناس وبيستهيف !! لو حد عايش حياته كلها هزار في هزار
لكن انا لما بيكون وقت فيه جد بكون جد اوي ولما يكون عادي بهزر وعادي خالص ,
وعمري ما كنت ايزي وفري و عندي كل حاجة كدة عادي بس عارف يا اسلام انا اية الي مخليني في مشكلة كدة !اني بثق في كللللل الناس و في دماغي انهم بيفكروا زيي وفاهمين انا بعمل اية وليه وبتعشم فيهم خييييييييير اوي بس طبعا دي قمة السذاجة في الزمن المهبب الي احنا فيه دة
ثااانكس يا اسلام على الاهتمام