اقتباس:
المشاركة الأصلية كتبت بواسطة amreidamr
يعنى النقص فى الكثافة بيعوض بزيادة حجم الجزء المغمور عند الانتقال من البحر للنهر فيظل مساوى لكثافة البحر الكبيرة وحجم الجزء المغمور الصغير
هل انا كده فهمت صح ؟؟؟
طب امال ليه بيقولوا فى الكتاب ان قوة الدفع بتقل فيجب تخفيف الاحمال على السفينة ؟؟؟؟؟؟
شكرا جدا جدا لحضراتم يا جماعه جزاكم الله كل خير
|
ايوة يا ريس حجم الجزء المغمور يتغير لم تكون السفينة فى النهر وتتنقل للبحر ففى النهر حجم الجزء المغمور اكبر من حجمه المغمور لم تتنقل للبحر عشان كدا بيقولك خفف الأحمال عشان السفينة متغرقش لان لو عليها أحمال حجم الجزء المغمور هيزيد فبالتالى تنغمر كلها لكن مش معنى ذلك ان قوة الدفع تتغير لان قوة الدفع هنا فى الحالتين تساوى وزن السفينة كلها بحجمها كله لذلك قوة الدفع فى الحالتين متساوية
قوة الدفع عندما تكون السفينة طافية على النهر = حجم الجزء المغمور × g × كثافة النهر
أو قوة الدفع عندما تكون السفينة طافية على النهر = وزن السفينة كلها
قوة الدفع عندما تكون السفينة طافية على البحر = حجم الجزء المغمور × g × كثافة البحر
أو قوة الدفع عندما تكون السفينة طافية على البحر = وزن السفينة كلها
فى البحر حجم الجزء المغمور يتغير عنه فى النهر
طبعا كثافة النهر اقل من كثافة البحر لكن حجم الجزء المغمور من السفينة فى النهر أكبر من حجمه المغمور فى البحر
فالحجم المغمور فى النهر هنا أكبر يعوض النقص فى كثافة النهر عشان تتساوى قوتا الدفع للسفينة فى النهر والبحر