[To Be Is To Do]

لما حد يسألك وإنت طالع من لجنه أمتحان هاااا عملت إيه بتقول : الحمد لله
مع إنك ممكن متكنش حالل حلو

لما حد يسألك عن صحتك عامل ايه ؟ بتقول : الحمد لله
بس إنت ممكن تكون تعبان جدا بس مش مبين

لما حد لا قدر الله يموت عندك بتقول : الحمد لله
مع إنك من جواك بتتقطع عليه بس كاتم كل ده فى قلبك

لما حد يعمل معاك موقف مش حلو ، ساعتها بتقول : الحمد لله
بس إنت أكيد من جواك مش ناسيله الموقف ده ومش قادر تنساه

حاجات كتير أوى أوى بنقول فيها الحمد لله ، عشان بس نخفى زعلنا أو حزننا أو إنكسارنا وبنعوض عن كل الآلام اللى إحنا حاسين بيها بجمله " الحمد لله "
كلمه جميله أوى أوى يا ريت كلنا نقولها فى أى موقف فى أى وقت فى أى حته ولأى حد