اقتباس:
المشاركة الأصلية كتبت بواسطة khaled zakareya
كلمنى عن رجولتك
لما تكون قاعد وسط صحابك ولما تلاقى بنت معديه تقول
بص ياض
وتخلى كل اللى قاعدين يبصوا عليها
على فكره أختك برده وهى ماشيه صحابك حيبصوا عليها
كلمنى عن رجولتك
وانت مدى نفسك الحق انك تتريق على أى بنت سواء كانت حلوه أو وحشه
مع انك لا شكل ولا منظر ولا هيئه ولا شخصيه الواحد ممكن يحترمها
كلمنى عن رجولتك
اللى تديك الحق انك تجيب فى اعراض البنات وتفضحهم
بس اكيد سيره أختك على كل لسان زى منت بتعمل مع بنات الناس
كلمنى بقى أكتر وأكتر عن رجولتك
لما تطلع على بنت سمعه لمجرد انها رفضت تكلمك وكسفتك وصدّتك
بس اللى لازم تعرفه ان أختك طلع عليها نفس السمعه
الرجوله مش
كلمه ذكر فى البطاقه أو خط معفن طلعلك فوق فمك أو صوتك اللى أخشن أو شويه عضلات طلعولك فى دراعك
لو دى الرجوله من وجهه نظرك يبقى
يبقى متنساش تركب الأريال لما تشوف أختك بيتبص عليها أو تسمع حد بيجيب فى سيرتها أو تلاقى سمعتها بقت زى الزفت
آه نسيت أقولك
إبقى أقرا الفاتحه على رجولتك
|
أنا معاك في كل كلمة قولتها
والله بجد الواحد بيتعب لما بيشوف مناظر وحال الشباب بالشكل ده
وانا بصراحة مش فاهمة ايه اللي بيستفادوا من كل اللي بيعملوه من معاكسات ومسك سيرة البنات وتريقة
هل دي بتبقي رغبة عندهم وبيحاولوا يشبعوها !!
ولا هو ده فعلا مفهوم الرجولة عندهم!!!!!!
ليه محدش بقي بياخد بمبدأ(كما تدين تدان)؟؟
يعني المفروض قبل ما يعمل حاجة زي دي يفكر مية ألف مرة قبلها
انه مسيرها تترد في اقرب الناس ليه !!