السلام عليكم ورحمة الله وبركاته
أنا ف تانية ث ويفترض إني علمي رياضة إن شاء الله
وع اللي أنا فيه مش هعدي التيرم ده أصلا
....
مش عارفة ايه اللي حصلي مابقاش عندي دافع للمذاكرة ...ولا بقيت أحب أذاكر ..أمسك الكتاب أذاكرلي نص صفحة صفحة ويتقفل تاني ..حاسة نفسي تايهة اوووووي ...مش عارفة بقيت كده ليه ...ف أولى كنت كده بس أنا كنت قاصدة كنت بقول سنة أريح فيها وكده ...بس السنة ديه أمنية حياتي إني أذاكر بس مش عارفة مش عارفة أمسك كتاب مش عارفة أكمل درس ع بعضه ..ده حتى ف أولى كنت بذاكر أكتر من كده ..ويفترض إني دلوقتي أبقى أحسن عشان أنا مختارة المواد اللي بحبها ...شوية بقول حسد بس حسد ايه مستوايا السنة ديه زفت والسنة اللي فاتت زفت ... تايهة وامتحاناتي يوم الأحد وولا أعرف حااااجة ..وكل لما أفتح كتاب نفسي تتسد ع المذاكرة ...وع فكرة عشان ماحدش يقولي قربي من ربنا انا بصلي وبدعي ربنا كتييير وبشغل قران بصوت واطي وأنا بذاكر بس مافيش فايدة زي ما أنا